Brigada Balaod

Tiguwang na ang tag-iya

Dear Brigada Balaod,

Tawga lang ko sa ngalang Saul. Usa ko ka empleyado sa food factory diri sa Mandaue City. Ang problema namo karon kay sulod sa 19 ka tuig namo nga pagserbisyo ang amo namo nga gikan sa pagsugod tiguwang na ug ang anak ang mopuli. Pero wala nila gi-announce nga mopuli ang anak. Unsa may angay namo buhaton? Magpabayad mi sa una namo nga amo? O continue lang among pagserbisyo sa iyang anak?

Manghinaot ko nga matambagan mi nimo Attorney. Daghan salamat.

– Saul

***

Dear Saul,

As far as I know, walay nalatid nga obligasyon sa balaod pagpahibalo ngadto sa mga trabahante kinsa ba gayod ang tinuod nga tag-iya o bisan tagdumala sa usa ka patigayon, mapa-sole proprietor man kini o korporasyon. Ang imong ka-interact (supervisor, foreman, paymaster) maoy ilhon mong nag-employ kanimo kon dili nimo mahibaw-an kinsay tinuod nga tag-iya. Sa ato pa walay basehan ang imong kahingawa nga wala mo pahibaw-a nga mo-take over na ang anak.

Kon moundang kamo sa trabaho, gawas na lamang kon retireable na kamo (labaw sa 60 ang edad ug nakatrabaho di momenos 5 ka tuig), wala kamoy madawat gikan sa inyong amo. Hinuon, kon giundang nila ang negosyo pinaagi sa pag-put up og laing entity alang ani (pananglitan, gikan sa sole proprietorship ngadto sa korporasyon) ug tangtangon kamo isip trabahante, may obligasyon sila nga mohatag og balig usa ka bulang sweldo sa matag tuig sa pagserbisyo; ang unom ka bulan o labaw pa ilhong usa ka tuig.

Kon wala kamo tangtanga sa trabaho, nagpadayon ang inyong trabaho ingon man ang inyong length of service.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.