Brigada Balaod

Manamok sa yuta

Dear Brigada Balaod,

Naa lang unta koy pangutana. About sa yuta sa ako amahan nga gisamok sa ako ra sa ig-agaw. Naa na titulo ang yuta sa ako amahan. Ang iyaha sa ako ig-agaw dili pa gani iya ngalan. Sigehan mi pang-harass. Asa mi duol kay gisamokan na kaayo ko. Salamat, hulat ko sa imo tambag. Tony ni sa Toledo City.

****

Dear Tony,

Sakit palandongon nga ang yuta mahimo hinuong hinungdan sa kagubot taliwala sa mga sakop sa samang banay. Ang inyong pamilya dili mao lay pamilya nga nahiagom niining maong sitwasyon. Kini tungod kay mga tawo gayod nga hakog ug gusto labaw pa sa unsay angay kanila.

Hinuon wala nimo hisgoti og unsa gyong pagpanghasi ang gihimo batok kaninyo. Kon kini usa na ka kriminal nga buhat, mahimo kang mokiha.

Sa pagkakaron, ang labi nimong maayong buhaton mao ang pag-document sa maong mga pagpanghasi. Mahimong ipa-blotter mo sa barangay o sa pulis. Mahimo usab nga ipatawag ninyo sa barangay ang imong ig-agaw aron matataw kon unsa gayoy buot niyang mahitabo.

Nga ang iyang titulo wala pa sa iyang ngalan, beside the issue kon duna gyod siyay katungod sa maong yuta.

Hinaot nakatabang kini kanimo. Salamat sa makanunayong pagsunod ning atong lindog ug pagpalit sa Brigada Newspaper.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published.

This site uses Akismet to reduce spam. Learn how your comment data is processed.