Brigada Balaod

Vacation ug sick leaves

Dear Brigada Balaod,

Ako diay si Jay Ar. Naa lang mi ipangutana sa imo Attorney kabahin aning pribadong kompaniya nga among gialagaran karon mag-10 years above nami ani nga kompanya. Ang among problema bahin sa among leave. Five days ra ila gihatag namo nga leave kana rang vacation wala mi hatagi og sick leave. Dili ba magkuyog man unta nang duha Attorney? Wala ba sila nakalapas ani Attorney sa balaod o nagdepende na sa company kon ila ba tagaan og leave ilang trabahante. Thanks Attorney.

*

Dear Jay Ar,

May mga leaves nga required gayod sa balaod, sama sa paternity leave, maternity leave, VAWC (violence against women and their children) leave, ug service incentive leave. Kon kinsay maka-avail niini ug kanus-a, gilatid sa balaod.

Sa tinud-anay, walay gilatid sa balaod nga vacation ug sick leaves. Sa ato pa, depende ra gyod sa kompaniya kon mohatag ba sila niining vacation ug sick leaves.

Hinuon, required gayod sila nga mohatag og dili momenus lima ka adlaw nga service incentive leave (SIL) sa matag tuig nga pagserbisyo. Ma-enjoy kini human sa usa ka tuig nga pagserbisyo. Ang SIL naghatag sa empleyado og dili momenus lima ka adlaw kanus-a ang empleyado mahimong mo-absent sa trabahoan apan sweldado lang gihapon. Ang option kon kini gamiton ba o dili naa sa empleyado. Kon wa gigamit, ma-convert kini og cash.

Kining SIL usahay mao diay ang gipasabot isip vacation leave.

Bisan kon ang option nga gamiton o dili naa sa empleyado, naa poy management prerogative nga mopahinay usa sa production o temporarily mopabakasyon og trabahante. Maong usahay itungod ang pagpaenjoy sa SIL panahon sa bakasyon.

Ang sick leave, on the other hand, completely wala gyod gi-require sa balaod. Dili obligado ang kompaniya nga mohatag og sick leave.

Hinuon, kon duna nay existing company practice nga maghatag og certain leaves, dili na ni nila matangtang.

Hinaot nakatabang kini kanimo.

– Atty. Vince

**

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.