Brigada Balaod

Gitangtang largo

Dear Atty. V,

Naa unta koy ipangutana Attorney. Nagtrabaho ko isip timekepeer gikan atong September 4. Gipotbol ko sa foreman atong March 24 sa pagsugod aning building. Wala ko kahibalo kon unsa ang ako sala iya pa ko gitukmod Attorney.

Dayon mouli na lang unta ko. Wala man nadala ako sweldo. Tulo ug tunga sa adlaw Sir wla ko kauli. Ana na lang ba kadali Sir wala bakoy mahimo gibali lang ko og estorya. Sa karon Attorney naa pa ko diri sa site kay wala pa man ko ikaplite ngadto sa Negros.

– Ben

*

Dear Ben,

Ubos sa atong Labor Code, ang usa ka trabahante matangtang lamang kon dunay just o authorized cause sa pagtangtang kaniya sa trabaho. Ang mga just causes sama serious misconduct, willful disobedience or insubordination, gross and habitual neglect of duties, fraud or wilful breach of trust, loss of confidence, commission of a crime or offense, ug uban pang analogous causes.

Ang authorized causes naglakip sa installation of labor-saving devices, redundancy, retrenchment or downsizing, closure or cessation of operation, ug disease.

Kon dili pa regular (under probation pa) may additional cause: failure to comply with standards.

Sa imo sitwasyon, tataw nga way just ug authorized cause. Nungka nga may failure to comply with standards. Sa ato pa dakong illegal ang pagtangtang kanimo.

Ipaabot kini sa atong Regional Arbitration Branch (RAB) sa National Labor Relations Commission (NLRC). Ang NLRC-RAB naa mahimutang sa Jones Avenue sa Dakbayan sa Sugbo, duol sa Red Cross Office. Kon maprobar nimo nga illegal ang pagtangtang kanimo, makabayad sila sa imong backwages ingon man sa separation pay kon sa tan-aw sa Labor Arbiter di na maayo nga pabalikon ka sa trabaho.

Hinaot nakatabang kini kanimo.

– Atty. V

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.