Brigada Balaod

Gitulisok ang anak

Brigada Balaod 2022.03.05 (Thursday)

GITULISOK ANG ANAK

Maayong buntag Atty. Vincent. Naa koy pangutana kabahin sa akong anak nga menor de edad. Onse anyos pa siya Attorney. Gitulisok sa among silingan nga edaran na. Diha pa gyod sa dalan. Nauwaw intawon ang akong anak. Ang mitulisok kaniya milaban sa pag-umangkon nga nakasala sa cellphone sa akong anak. Ang pag-umangkon nabunalan sa inahan. Patabang unta kog unsa nga kaso akong mapasaka kay menor de edad pa man ang akong anak ug ang guwang 40 anyos kapin na. Si Teren ni salamat.

*

Dear Teren,

Ang kalainan sa edad taliwala sa mitulisok sa imong anak ug sa imong anak dili awtomatikong magpasabot nga may kaso ka nga mapasaka batok sa mitulisok. Hinuon kon mapakita nato nga ang pagtulisok may intensyon sa pagpakauwaw sa imong anak aron ipakaubos ang iyang dignidad isip bata, mahimo kining child abuse.

Ang konkretong lakang nga angay mong buhaton mao ang pag-adto sa pulis aron ang ilang Women and Children Protection Desk (WCPD) makakuha og pahayag gikan sa imong anak ug ilang ma-refer ang bata ngadto sa psychologist for psychological evaluation. Kini gikinahanglan aron maprobar ang psychological child abuse.

Kon ang pulis dili mo-assist ninyo, nagpasabot kini nga sa ilang tan-aw, basi sa inyong sugilon, walay nahitabong child abuse. Nan kinahanglan kamo moduol og pribadong abogado. Mahimo usab kamong modangop sa Children’s Legal Bureau sa No. 10 Queen’s Road, Brgy. Camputhaw, Cebu City (luyo sa Iglesia ni Cristo sa Mango) kay basig mo-qualify kamo sa ilang indigency program.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.