Brigada Balaod

Makigminyo sa ka-live in

Brigada Balaod 2020.03.04 (Wednesday)

MAKIGMINYO SA KA-LIVE IN

Maayong hapon Attorney. Naa koy ipangutana nimo Attorney. Kasado ko sa una 15 years na mi nagbulag. Tapos naa koy ka-live in karon. Gusto siya magpakasal nako kay naa nami anak. Lima sa ako na ka-live in. Sa ako bana wala mi anak. Unsay buhaton nako para makasal mi kay minyo na pod ako bana sa una. Lima pod iya anak Attorney palihog ko ani og unsay buhaton nako. Si Espenser ni. Salamat.

*

Dear Espenser,

Sa imong estorya, tataw nga buhi pa ang imong bana. Sa ato pa dili nato magamit ang gitawag og judicial declaration of presumptive death.

Kon wala usay basis gawas sa psychological incapacity nga void ang inyong kaminyoon, mao gayod kini ang himoong rason. Ubos sa Article 36 sa Family Code, ang kaminyoon diin ang usa sa mga partidos dunay psychological incapacity aron ma-fulfill ang essential marital obligations usa ka void nga kaminyoon.

Ang angay mong buhaton mao ang pagduol og abogado aron matabangan ka nga mag-file og petition. Sa ingon niini nga kaso, PHP 65,000.00 ang standard nga acceptance sa abogado. Mobayad usab ka og psychologist, naa sa PHP 15,000.00 ngadto sa PHP 25,000.00. May filing fee, appearance fees, ug actual expenses pa.

Iapil na sa imong petition nga naa na siyay laing kapuyo ingon man mga anak.

By the way, unless questionon sa imong bana ang paternity anang mga bataa, iyaha kanang mga anak sumala sa balaod.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.