Brigada Balaod

Sustento sa unang pamilya

Brigada Balaod 2020.03.02 (Monday)

SUSTENTO SA UNANG PAMILYA

Hello good morning Atty. Need advice po. Asawa ko po ay may tatlong anak po pero di sila kasal sa una niyang ka live-in kay nagloko og gibiyaan niya kay nakasakop siya. Naa mi anak tulo patay ang isa duha na lang. Kasal pod mi. Ang pangutana nako atty og mangayo og sustento ang mga anak niya sa una makahatag ba siya?Unya ang isa pa is beneficiary sa ila papa. Akong mga anak nakalista didto tas wala sila labot sa lista. Pwede ba siya makasustento nga di sila kasado sa mama nila?

– Grace

*

Dear Grace,

Ang mga anak sa imong bana sa former partner niya mga illegitimate children, samtang ang inyoha mga legitimate children kay natawo man sila sulod sa kaminyoon. Apan sama ra sila nga makapangayo og sustento sa imong bana.

Independent ni nga wa sila ma-declare as beneficiary (I presume, sa Social Security System).

Hinuon kon pila ang sustento, depende sa daghang factors. Ang mga kinahanglang sustentohan sa imong bana ikaw, ang inyong mga anak, ang iyang mga anak sa maong babaye (apan dili ang babaye mismo), ug kon buhi pa ang iyang ginikanan ang iyang mga ginikanan. (Mahimo usab nga may obligasyon siya sa pagsuporta sa iyang mga igsoon.)

Ikonsidera usab ang panginahanglan sa bata ug ang kita sa imong bana. Kining tanan tan-awn sa korte aron pagbana-bana pilay ipahatag nga binulang sustento.

Hinuon, kon wala pa manukot, ayaw lang sa na hunahunaa. Matod sa balaod, bisan kon ang obligasyon sa pagsustento magsugod sa pagkatawo o pagkaminyo, makolekta lamang kini gikan sa judicial o extrajudicial demand.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.