Brigada Balaod

Kabilin gikan sa apohan

Brigada Balaod 2020.03.01 (Sunday)

KABILIN GIKAN SA APOHAN

Attorney good noon. Naa unta koy ipangutana bahin sa akong bana. Akong nakuha ang iyang Certificate of Live Birth unya ang iyang mga ginikanan sumala sa Certificate of Live Birth ang iyahang mga apohan sa tinuod nga kinabuni. Didto man god siya nagdako sa iyang biological grandparents.

Ang akong pangutana Attorney, makapanunod ba siya sa iyang apohan?

Salamat.

– Ching-Ching

*

Dear Ching-Ching,

Ang Certificate of Live Birth prima facie evidence sa unsay mga nasulat niini. Sa ato pa, gawas lamang kon ang mga tinuod nga anak sa apohan sa imong bana makapakita nga dili gayod nila igsoon ang imong bana kon dili pag-umangkon, ang imong bana maka-claim og samang share sa iyang mga iyaan ug uyoan.

Bisan pa kon maprobar nila nga apo ra gyod ug dili anak ang imong bana sa iyang mga apohan, basin og makapanunod pa ang imong bana pinaagi sa iyang ginikanan. Hinuon, kon duna siyay mga igsoon, may kabahinan pa sila sa mapanunod.

Mas labing maayo nga moadto kamo og abogado aron masuta gayod og unsay katungod sa imong bana sa kabtangan sa iyang apohan nga ginikanan niya sumala sa Certificate of Live Birth.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.