Brigada Balaod

Ginganlang puta

Brigada Balaod 2020.02.27

GINGANLANG PUTA

Good morning, have a nice day. Attorney gusto ko mangayo og advice nimo about sa panghitabo akong friend, may laban ba siya? Kay gihinganlan siya og puta ang akong friend older pa sa mitawag og puta. Grabe gyod gibinastos ang friend nako Gusto sa akong friend iya ikiha. Ang boy kauban pa gyod na sila ug close sa una. May ebidensya man sab nga gibastos siya tungod sa text nakasave sa selpon sa akong friend girl senior na baya. Ako pangutana kong unsaon niya pagkiha ug kinsa iya maduol? Salamat wait ko sa tubag.

– Concern nga Friend

*

Dear Concern nga Friend,

Sa akong pagsabot sa imoha giingon, ang pagbinastos pinaagi sa text.

Ang bugtong kaso lamang nga mapasaka sa imong higala mao ang Unjust Vexation kun injusta vejacion. Kini tungod kay ang vexation sa imo higala tungod lamang sa pribadong SMS.

Ang unang lakang niyang buhaton mao ang pagpa-blotter sa maong hitabo sa barangay o sa pulis. Kon ang nagbinastos niya nagpuyo ra pod sa samang lungsod ug dakbayan, moadto siya sa barangay diin nagpuyo ang nagbinastos aron moagi sa Katarungang Pambarangay. Human siya makakuha og Certificate to File Action mobalik siya sa pulis aron matabangan og himo og affidavit.

Basin usab nga i-refer siya sa mga pulis sa Anti-Cybercrime Group aron maklaro ang ebidensya.

Please take note nga 60 days ra ang prescription sa maong krimen. Sa ato pa, kon sulod sa duha ka bulan sukad sa pagkahitabo, wala pa ma-file ang kaso sa piskaliya, i-dismiss na kini. Ang 60 days ma-suspend panahon sa barangay proceedings, for a maximum of 60 days ra pod.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.