Brigada Balaod

Madawat gikan sa nanira sa negosyo

Dear Atty. V,

Mangutana lang unta ko. Usa ko ka trabahante sa usa ka pribadong kompaniya. Nanira ang akong gitrabahoan. Karon makadawat ba ko sa separation pay ug uban pa nga mga benepisyo sama sa holiday pay, SSS, PhilHealth, ug uban pa? Salamat Sir.

***

Dear Sir,

Wala nimo gitataw sa imong mensahe kon unsay hinungdan sa pagpanira sa imong gitrabahoan. Magdepende man god sa rason kon obligado ba o dili nga sila mohatag sa separation pay. Matod sa Article 283 sa Labor Code, “The employer may [] terminate any employee due to [] the closing or cessation of operation of the establishment or undertaking… [I]n cases of closures or cessation of operations of establishments or undertaking not due to serious business losses or financial reverses, the separation pay shall be equivalent to one (1) month pay or at least one-half (1/2) month pay for every year of service, whichever is higher. A fraction of at least six (6) months shall be considered one (1) whole year.”

Bisan kon giila sa balaod nga may gahom ang tag-iya sa kompaniya nga isira kini, kon ang pagsira dili tungod sa serious business losses o financial reverses, obligado ang tag-iya nga mohatag og separation pay nga at least usa ka bulan nga sweldo, o tunga sa bulan nga sweldo sa matag tuig nga serbisyo, ang unom ka bulan o pataas ilhon nga usa ka tuig.

Pananglitan, kon nakatrabaho ka ubos sa duha ka tuig, usa ka bulan nga sweldo gayod ang imong madawat. Apan kon nakatrabaho ka og duha ka tuig ug unom ka bulan, tagaan ka og balig tulo ka tag tunga sa bulan nga sweldo.

Apan kon ang pagpanira tungod sa serious business losses o financial reverses, walay obligasyon nga mohatag ang kompaniya.

Ang holiday pay, SSS ug PhilHealth obligasyon sa employer sa panahon nga wa pa sila manira ug mamapha og trabahante. Ang alang kanimo makolekta gihapon nimo. Apan sa SSS, Pag-IBIG ug PhilHealth, ang maong mga ahensya sa kagamhanan ang may obligasyong mo-demand nga bayaran sa kompaniya ang ilang obligasyon sa panahon nga nag-operate pa sila.

Hinaot nakatabang kini kanimo.

-Atty. V

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.