Brigada Balaod

Gwardya nga way lisensya

Brigada Balaod 2020.02.19 (Wednesday)

GWARDIYA NGA WAY LISENSYA

Maayong gabii. Ako si Jomer, usa ka guard dinhi sa Dakbayan sa Sugbo. Ang akong problema mao kabahin sa akong sweldo. 36 oras akong duty, walay day off ug dli minimum. Unom na ko ka bulan nga nag-duty sa maong agency hangtod karon mao ra gihapon ang sweldo wala sa minimum. Pwede ba ko makareklamo sa DOLE nga wala man koy licence sa akong pagka-guard. Tabangi ug tambagi ko sa kong problema aron malinawan akong hunahuna, Atty. Nakuha nako ang imong number sa Brigada Newspaper. Daghang salamat, ako si Jomer.

**

Dear Jomer,

Tataw sa atong balaod nga obligado ang usa ka employer nga mohatag og at least minimum nga sweldo ngadto sa iyang mamumuo, gawas na lamang kon may exemption siya gikan sa Regional Tripartite Productivity and Wage Board o di ba kaha rehistrado ang negosyo isip Barangay Microbusiness Enterprise (BMBE). Tungod kay ang imong agency wala man niining duha, obligado kini nga mohatag sa tukmang panweldo. Kini ang gimando ubos sa Section 7.3 sa DOLE Order No. 150-16.

Nga dili ka lisensyado nga gwardiya dili nila depensa. Lahi ang imo ug ilang liabilities ubos sa Republic Act No. 5487 sa responsibilidad nila ubos sa atong labor laws.

Angay timan-an nga obligado silang mohatag sa minimum wage pagsugod pa lamang nimo sa trabaho.

Obligado usab silang mobayad sa imong overtime pay ug uban pang monetary benefits.

Awhagon ko ikaw pagdangop sa Department of Labor and Employment (DOLE) aron matabangan ka. Angay timan-an nga ang principal (ang kakontrata sa imong agency) solidarily liable nganha kanimo alang sa saktong pweldo ug benepisyo. (Sa ato pa, makagukod ka usab sa principal.)

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.