Brigada Balaod

13th month pay sa yaya

Brigada Balaod 2020.02.18 (Tuesday)

13 MONTH PAY SA YAYA

Sir good AM. Pwede ko mangutana? Usa ako ka yaya. 2005 ko nagyaya Sir Vince. Naundang ko og trabaho Sir 2018. Pwede ba ko makakuha sa akong 13 month pay? Sukad pagtrabaho nako wala gyod ko kadawat anang 13 months Sir.

***

Dear Yaya,

Ang balaod nga nagmando sa pagbayad sa 13th month pay mao ang Presidential Decree (PD) 851. Matod sa maong balaod ang 13th month pay sa usa ka empleyado kinahanglang di momenus sa ika 1/12 sa iyang basic salary sa tibuok tuig (sa ato pa walay labot ang overtime ug allowances).

Bisan kon ang Revised Guidelines on the Implementation of PD 851 expressly nag-ingon nga walay labot sa 13th month pay ang mga yaya, ang Republic Act No. 10361 (Domestic Workers Act o Kasambahay Law) nagmando nga tagaan sila og 13th month pay:

Payment of wages shall be made on time directly to the domestic worker to whom they are due in cash at least once a month. The employer, unless allowed by the domestic worker through a written consent, shall make no deductions from the wages other than that which is mandated by law. No employer shall pay the wages of a domestic worker by means of promissory notes, vouchers, coupons, tokens, tickets, chits, or any object other than the cash wage as provided for under this Act.

The domestic worker is entitled to a thirteenth month pay as provided for by law.

Sa Implementing Rules and Regulations of RA 10361 gitataw usab nga may katungod sa 13th month pay ang mga kasambahay.

Ang 13th month pay dapat mahatag sa Disyembre 24 o mas sayo pa. Kay wa man mohatag ang imong amo, reklamo adto sa sa Field/Provincial/Regional Office sa Department of Labor and Employment (DOLE). Apan sa akong tan-aw, mo-apply ang three-year prescription period so dili na na ka maka-claim sa 13th month pay nimo sa 2016 ug mas sayo pa nga mga katuigan.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.