Brigada Balaod

Katungod sa gibiyaan

Brigada Balaod 2020.02.14 (Friday)

KATUNGOD SA GIBIYAAN

Dear Brigada Balaod,

Tawga lang ko sa ngalang Mae. Ang akong problema, ka-Brigada, mao nga nagbuwag mi sa akong uyab ug buot nakong makuha ang akong bahin sa among napundar. Mibalik man god siya sa iyang asawa, Atty., kay maluoy kuno siya sa ilang mga anak nga magdako nga walay amahan. Nakapalit man god mig pipila ka mga luna ug sakyanan. May negosyo pod mi nga pautang ug gamayng tindahan.

Naa koy kaila nga nag-eskwela og abogasiya miingon siya nga wala kuno koy makuha sa among napundar kay conjugal property kuno tong tanan. Palihog tambangi ko.

– Mae

Dear Mae,

Ang Article 148 sa Family Code nagkanayon: In cases of cohabitation not falling under the preceding Article, only the properties acquired by both of the parties through their actual joint contribution of money, property, or industry shall be owned by them in common in proportion to their respective contributions. In the absence of proof to the contrary, their contributions and corresponding shares are presumed to be equal. The same rule and presumption shall apply to joint deposits of money and evidences of credit.

Ang previous article (Article 147) nag-refer sa rule kabahin sa nanagpuyo nga pwede unta magminyo apan wala lang gyod magminyo. Ang inyong sitwasyon nasulod sa Article 148 kay kasado man siya.

Sa ato pa, kadto lamang mga kabtangan, yuta, sakyanan o negosyo nga actual gyod ninyong gitabangan sa pagpundar ang tan-awn nga inyoha sa inyong panagpuyo. Unya mapakita niya o nimo unsa ang inyong aktwal nga kontribusyon sa maong mga kabtangan, ubp. Kon walay proof, tungaon diretso. Kon di mo magkasabot, modangop sa korte aron maklaro.

Ang problema lamang ang kabahin sa sakyanan. Basi sa atong naagian, ang Land Transportation Office, nga maoy repository sa tanang record sa pagpanag-iya sa mga sakyanan, moila sa registered owner nga maoy tag-iya, bisan pa kon legally speaking co-owner lamang siya.

Unfortunately, sayop ang nahatag sa imoha nga advice. May makuha ka sa inyong napundar, depende sa imong mga ebidensya nga may kalabotan gayod ka niadtong wala sa imong ngalan.

Hinaot nakatabang kini kanimo ug good luck sa gugma.

-Atty. Vince

*

Alang sa inyong pangutanang legal, text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.