Brigada Balaod

Legal advice bahin sa trabaho

Brigada Balaod 2020.02.12 (Wednesday)

LEGAL ADVICE BAHIN SA TRABAHO

Good PM Atty. Vince, suki kong tigpalitan sa Brigada Newspaper. Mangutana unta ko og kabahin sa akong trabaho.

Mao ni Atty. Nanganak ko last year. Nag-inventory ang ako amo nga wala ko didto ug wala sad ko nila pahibaloa. Unya Atty. gitawagn ko nila nga naa kuno koy short PHP 118,000. Pabayaron ko nila ana nga amount. Unsaon man na nako Atty. nga wala man ko ana nga amount.

Ang ako pangutana Atty., pwede ba ko maka-demand sa ako overtime, holiday, ug minimum nga sweldo. Six years nako kapin sa ila Atty.

Tinuod ba ang giingon sa taga-NLRC nga kon maka-daog ang ako amo sa kaso dili na ko maka-demand sa ako overtime, double pay, ug sa iyang pagkuwang sa sweldo sulod sa 6 years kapin?

Daghan kaayong salamat Atty. -Eva

Dear Eva,

Kon wala gyod kay labot sa pagkawala sa PHP 180,000.00, dili ka obligado nga mobayad sa maong kantidad. Apan kon nakahilabot ka sa kwarta sa imong amo, obligado kang mouli niini. Gani pwede ka ikiha og qualified theft sa maong pagdispalko.

Hinuon, lahi nga isyu ang imong claims sa overtime, holiday pay, ug minimum wage. Gawas na lamang kon duna nay final and executory decision nga pabayron ka sa PHP 180,000.00, dili mapugngan sa imong amo ang pagkolekta nimo sa maong mga benepisyo. Apan ang imong makuha mao lamang kadtong nasulod sa tulo ka tuig sa wala pa ka mo-file sa kaso.

Kon ang qualified theft nga kaso ang imong gipasabot, husto ang taga-NLRC nga di na nimo makolekta ang overtime, holiday pag, ug wage differentials. Gani, ipauli pa sa imoha ang PHP 180,000.00, apan minusan sa maong collectibles nimo. Kon ang kaso sa NLRC ang imo gipasabot, husto usab nga di ka mabayran kon makapakita siyag ebidensya nga nabayran na ka.

Hinaot nakahatag kinig gamayng katin-awan kanimo.

– Atty. Vince

*

Alang sa inyong mga pangutanang legal, i-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.