Brigada Balaod

Way klarong benepisyo

BRIGADA BALAOD 2020.02.11 (Tuesday)

WAY KLARONG BENEPISYO

Good P.M. Attorney, naa unta koy pangutana kabahin sa akong gitrabahoan. Magpito na ko ka tuig sa botika Attorney pero hangtod karon wala gyod mi kasuway og dawat og 13 month pay ug holiday pay. Unya 11 hours ming mag-duty wala pa gyoy overtime pay. Kon mo-absent sad mi double deduction pa gyod Attorney. Unsa man ang amo angay buhaton ani Attorney? – Pharmacy Assistant

Dear Pharmacy Assistant,

Ang tanang rank and file nga empleyado unsa man ang ang designation o employment status nga nakatrabaho og bisag usa lang ka bulan sulod sa tuig may katungod nga makadawat og 13th month pay. Ang 13th month pay at least 1/12 sa basic salary (walay labot overtime) nga nadawat sa empleyado sulod sa tuig.

Ang mga empleyado may katungod usab sa holiday pay ug sa premim pay for holidays.

Ang balaod tataw usab nga kon mosobra ang trabaho sa walo ka oras, entitled sa overtime pay ang trabahante.

Kon wala kini gisunod sa imong amo, pwede kang modangop sa Department of Labor and Employment (DOLE).

Ang double deduction kon moabsent klarong illegal, kay sama ra kanag gikawatan sa imong amo sa imong sweldo. Hinuon wala na magpasabot nga wala na kay tulubagon kon mo-absent ka. Pwede gihapon kang ma-penalize, dili lang sa pag-double deduction sa imoha.

Apan ang imo lang mareklamo ang kato lamang miaging tulo ka tuig sa wala pa ka moreklamo. Kini tungod sa konsepto sa prescription.

Hinuon nakatabang kini bisag gamay sa imong problema.

– Atty. Vince

*

I-text ang inyong mga pangutana sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.