Brigada Balaod

Papahawaon sa yuta nga gipuy-an

Dear Atty. V,

Mangayo unta kog advice bahin aning among gibalayan kay ipaguba kuno ang among gipuy-an kay naay nangangkon sa yuta nga among gibalayan. Ingon ani ni, gipakiha na namo sila sa barangay dayon napildi sila kay wala silay titulo ikapakita. Resibo ra ang ilang ipakita pamatuod daw nga ilang gipalit pero wala nagbaligya ang among kaliwat. Laing tawo ang nagbaligya sa ilaha.

Pero ang nakaapan kay mosukol daw sila ug kaso so gipatawag sila sa CENRO para ma-settle. Apan kay wala man silay ikapakita nga papeles gawas sa resibo miingon ang taga CENRO nga dili sila pasak-on sa lubi. Gihatagan sila og PHP 500 sa taga-CENRO para pambugas aron di makasaka sa lubi pero nanaka gihapon.

Karon ang nahitabo kay nakapangalan na sa ilaha ang yuta didto sa munisipyo pero didto sa CENRO dili ilahang ngalan. Karon kay nagpahimo naman sila ug titulo sa yuta last year. Nganong nakapahimo man sila ana Atty?

Ang kani diayng yutaa wala ni namo mabuhisi kay wala mi kahibalo nga sumpay pa diay tong yutaa sa yuta nga common sa among kaliwat pero kung nakahibalo pa mi andam mi mobuhis bisan pag pila unta. Nakabalo lang mi nga apil diay to tungod sa pagkakita namo sa deklarasyon. Pero ning ana ang taga CENRO nga kuhaon daw nya ang original copy sa deklarasyon kay siya na daw ang mag-pass ato didto sa provincial capitol kay mosukol man daw jud og kaso ang among kontra. So karon natingala mis ilang titulo kay nganong naay mga pirma sa mga kasikbit nga mga yuta nga dugay namang nangamatay. Then wala sad silay deed of sell pinirmahan sa among kaliwat..

Ang mga pangutana nako:

  1. Atty. naa bami rason para mosukol ani?
  2. Gusto kong mosukol bisan kuwang mi sa kwarta para lang di maguba among balay, unsaon man nako Atty.?
  3. Kon mosukol mi kay baharan man mi nga patyon maong mahadlok lang pud mi, di ba pwede man na namo ipakiha og threats?
  4. Ilang ipaguba among balay pwede ba diay na nila ipaguba since dugay nami namuyo anang yutaa since 1980’s pa?
  5. Naa ba mi posibilidad nga modaog ani?

Atty. Please tambagi tawn ko. Problema kaayo ni namo karon gidala-dala nani namo. Kay di na gyod pwede ila na gyod tamakan among pagkatawo. Malooy tawn ka namo Atty. Please.

– Janet

(Tungod sa kataas ning maong pangutana, ugma na nato ipatik ang tubag. Atangi!)

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.