Brigada Balaod

Nailad sa Kapa

Dear Atty. V,

Tawga lang ko sa ngalan nga Joe. Naengganyo ko nga mopadangat ning akong pangutana kay mora kog nailad niadtong Kapa. Nakahatag gyod ko apan wala ko mabaliki og blessings kay nanira na man. Unsay angay nakong buhaton?

– Joe

 

Dear Joe,

Niadtong miaging buwan, gi-reiterate sa Securities and Exchange Commission (SEC) ang ilang cease-and-desist order (CDO) batok sa Kapa Community Ministry International, Inc. nga niadto pang Pebrero 14, 2019 gipagawas nila. Kahinumdoman, ang maong CDO nagsugo kang Joel Apolinario ug sa mga tawo niya nga undangon ang pagpamaligya og securities/investment contracts. Para sa SEC, ang donation nga gihatag ngadto sa Kapa usa ka security ug investment contract.

Matod sa SEC, ang maong CDO nagpabilin nga epektibo, ug gani duna na kunoy mga kasong kriminal nga gipasaka kang Joel Apolinario, Reyna L. Apolinario, ug Margie A. Danao. Ang maong mga kaso paglapas sa Securities Regulation Code.

Ang maong CDO nagpa-freeze usab sa tanang accounts ug properties sa Kapa aron ma-preserve kini.

Gawas na lamang kon makapangita og paagi ang maong organisasyon nga makabalik pag-operate, lisod na nga mabalik ang imong napasulod nga kwarta.

Ang angay nimong himoon, mokiha ka og estafa batok sa nagdawat sa imong “donation.” Mahimo kang magpatabang sa Public Attorney’s Office aron magpreparar sa imong complaint-affidavit.

Hinaot nga nakahatag kinig gamayng kahayag sa imong hunahuna. Kining maong opinyon binase lamang sa imong gisulti ug mahimong lahi ang akong opinyon kon lahi ang factual milieu.

 

– Atty. V

 

*****

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published.

This site uses Akismet to reduce spam. Learn how your comment data is processed.