Brigada Balaod

Practice of profession sa LCE

Ang Section 90 sa Republic Act No. 7160, ang atong Local Government Code of 1991, nagkanayon: SEC. 90. Practice of Profession. (a) All governors, city and municipal mayors are prohibited from practicing their profession or engaging in any occupation other than the exercise of their functions as local chief executives.

Sa ato pa, ang mga doktor ug mga abogado nga mga local chief executive (LCE – mayor o gobernador) dili mahimong magdoktor o mangabogar samtang incumbent sila o naglingkod sila sa gahom.

Kon nakasuroy mo sa EDSA didto sa Manila, pwerteng daghana og billboard sa dagway ni Manila Mayor Isko Moreno. Ang akong kauban sa buhat nga si Atty. Fahima Tajar mikomento niini sa iyang Facebook profile, ug napugos intawon pagpatawag og press conference si Mayor Moreno aron ipasabot ang iyang habig.

Sa tinud-anay, dili pa tataw ang interpretation ning maong balaora kon ang atong hisgotan ang modeling o pag-artista. May mga kaila kong manlalaban nga moingon nga ang “occupation” nag-connote og habituality. Kon panagsa ra gibuhat, walay nahitabo nga “occupation” ug sa ato pa wala ma-violate ang Section 90.

Duna na bayay kaso nga related ani nga miabot sa Supreme Court. Sa Social Justice Society v. Lina, G.R. No. 1600031, Disyembre 18, 2008, gi-dismiss sa Supreme Court ang petition para i-overturn ang desisyon sa lower court pag-dismiss sa petition for declaratory relief, pero on technicality (dili proper party ang mikiha), dili substantial.

Sa maong kaso, gusto sa Social Justice Society nga ipa-disqualify sa pag-appear sa mga salida ang mga aktor nga nakadaog isip mga LCE niadtong panahona (2002). Ang na-identify nila sa kaso mao ang Lipa City Mayor Vilma Santos, Pampanga Governor Lito Lapid, ug ParaƱaque City Mayor Joey Marquez.

Busa hangtod karon wa pay definitive ruling gikan sa Supreme Court sa proper interpretation aning Section 90. Daghang maapektohan kon hingusgan sa Department of Interior and Local Government ang pag-implement ning maong seksyon, labi na gayod kon ilang i-consider nga “occupation” ang pag-artista lakip og pag-endorse og produkto sama sa gibuhat ni Mayor Isko Moreno.

Alang sa inyong pangutanang legal, text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.