Brigada Balaod

Saktong kaso ni Boy Laway

Wala na tingali wa makaila sa usa ka lalaki nga mibutang sa iyang laway sa gipahid ngadto sa nawong sa lain niadtong Sinulog. May pipila nga mitawag kaniya og “Boy Laway” tungod sa iyang gibuhat.

Dali kaayong mikuyanap sa social media ang video sa iyang gibuhat. Diha-diha ang Danao City Council mipagawas og pahibalo nga mohimo silag imbestigasyon sa maong hitabo, tungod kay ang tawo nga involved residente sa Danao City.

Ang Cebu City Council usab, pinaagi ni Konsehal Joel Garganera mihisgot usab nga mo-file sila (ang Cebu City Council) og kaso batok sa nakasala.

Ang Cebu City Police Office nanawagan sa pagdeklara sa maong tawo isip persona non grata.

Alang kanako, walay jurisdiction ang Danao City Council nga mohimog imbestigasyon sa maong hitabo, tungod kay kini nahitabo didto sa Cebu City, diin ang Danao City Council walay gahom. Bisan pa nga naghimo sa ingon residente sa Danao City, wala kini magpasabot nga duna nay jurisdiction ang Danao City Council. Gawas lamang sa atong Katarungang Pambarangay, diin adto nimo isang-at ang kaso sa barangay diin nagpuyo ang usa sa mga respondent, walay laing instance sa personal jurisdiction sa atong nasod.

Ang Cebu City Council usab walay cause of action sa maong tawo. Ang tawo wala makasala sa Cebu City Council. Walay basis nga disiplinahon siya sa council.

Kabahin usab sa konsepto sa persona non grata, matod pa sa akong higala nga si Atty. Luisito Arma sa iyang Facebook post, “Declaration of a person as a Persona Non Grata or unwanted person is basically a principle in Public International Law that’s available to the host State when a diplomatic official assigned to it by a foreign country is disliked. Because of the nature of his position, when a diplomatic official is declared persona non grata (like Iraq’s Tariq Aziz at the height of the Gulf War), dako na kaayo na nga issue para sa sending State. In most cases, the diplomatic official concerned is recalled or changed. Dili na siya para sa mga pribado ug mga lumulupyo sa atong nasud. Maghinayhinay ta ug gamit kay that’s a distinctly very formal term. Ug ako’y imong ingnon nga person non grata ko, magpili ra ko sa lima nga akong itubang nimo: 1. CHAR 2. KIBER 3. BAHALA KA DIHA DI GYUD MAGSAKIT AKONG TIYAN 4. GEMA ug 5. SHODI ABAS…”

Ang saktong ikaso ni Boy Laway unjust vexation, o slander by deed.

Alang sa inyong mga pangutanang legal, mahimo kamong mo-text sa 0916-664-7624.

1 thought on “Saktong kaso ni Boy Laway”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.