Brigada Balaod

Supplemental budget alang sa calamity?

Gi-anunsyo sa Palasyo ang PHP 30 ka bilyon nga supplemental budget alang sa Calamity Fund tungod sa ash fall ug gikahadlokang pagbuto sa bulkang Taal. Kini human sa sagunsong mga tuig nga gipagamyan ang calamity fund sa kagamhanan: gikan sa PHP 38.9 ka bilyon niadtong 2016, nahimo na lamang PHP 20 ka bilyon sa 2019. Karong tuiga, PHP 16 ka bilyon na lamang kini.

Matod sa Section 25(1) sa Article VI sa Konstitusyon, “The form, content, and manner of preparation of the budget shall be prescribed by law.”

Ang general rule man god, mao nga ang atong national budget mabutang sa gitawag nga general appropriations act, diin ang tanang gastohanan sa kagamhanan nakalista.

Hinuon, wala kini magpasabot nga dili pwede ang special appropriations act, lakip na ang usa ka supplemental budget. Matod pa sa Section 25(4) sa Article VI sa Konstitusyon, “A special appropriations bill shall specify the purpose for which it is intended, and shall be supported by funds actually available as certified by the National Treasurer, or to be raised by a corresponding revenue proposed therein.”

Ang Section 27, Chapter 4, Book VI sa Executive Order No. 292, o ang 1987 Administrative Code, nag-ingon: “All appropriation proposals shall be included and considered in the budget preparation process. After the President shall have submitted the Budget, no supplemental appropriation measure supported from existing revenue measures shall be passed by the Congress. However, supplemental or deficiency appropriations involving the creation of new offices, programs or activities may be enacted if accompanied and supported by new revenue sources.”

Sa ato pa, samtang ang Kongreso mahimong mopasar og balaod pagpalabang og supplemental appropriation alang sa calamity fund, specifically alang sa apektado sa Taal, gikinahanglan kini nga i-source out gikan sa bag-ong revenue measures. Kinahanglan mopataw og bag-ong buhis.

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.