Brigada Balaod

Motor di na pwede sa center lane?

Ang nakanindot sa social media sama sa Facebook dali ra kaayo mapakatap ang impormasyon. Ang nakabati kay hasta ang sayop nga impormasyon mapakuyanap usab, labi na gayod nga ang mag-share wala poy paghunahuna og unsa ka tinuod ang iyang gi-share.

Niadtong miaging semana mikuyanap sa Facebook ang pahibalo nga sugod kuno Enero 17, 2020, dili na pwede sa inner o center lane ang mga motorsiklo ug tricycle, ug kinahanglan magpabilin sa rightmost kun outermost lane. Daghan ang mi-share sa maong infographic, lakip na gali pila ka opisina sa kapulisan ug mga manlalaban.

Matod pa ang maong kasugoan pinasubay sa Republic Act No. 4136, ang atong Land Transportation and Traffic Code.

Apan sa dihang gihagit nako ang mga higala nga mi-share sa infographics kon asa sa R.A. No. 4136 ang basehan sa maong regulasyon, walay makatudlo asa. Ang labing duol kuno mao kining Sec. 35(a):  Any person driving a motor vehicle on a highway shall drive the same at a careful and prudent speed, not greater nor less than is reasonable and proper, having due regard for the traffic, the width of the highway, and of any other condition then and there existing; and no person shall drive any motor vehicle upon a highway at such a speed as to endanger the life, limb and property of any person, nor at a speed greater than will permit him to bring the vehicle to a stop within the assured clear distance ahead.

Apan kon klarohog basa wala gyod diha.

Ang drive on the right rule naa sa Section 37: Unless a different course of action is required in the interest of the safety and the security of life, person or property, or because of unreasonable difficulty of operation in compliance herewith, every person operating a motor vehicle or an animal-drawn vehicle on a highway shall pass to the right when meeting persons or vehicles coming toward him, and to the left when overtaking persons or vehicles going the same direction, and when turning to the left in going from one highway to another, every vehicle shall be conducted to the right of the center of the intersection of the highway.

Wala gyod kini mag-ingon nga dili pwede moadto sa center (left) lane ang motorsiklo. (Ang mga tricycles gidili sa highway, sa ato nang nahisgotan ning column pila ka semana kanhi.)

Alang sa inyong mga pangutanang legal, text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.