Brigada Balaod

Suspended kay wa moapelar

Ang reklamante nga si Agustin Aboy, Sr., mialegar nga siya ang presidente sa tanang naghupot sa Pepsi Cola 349 cap sa Negros Oriental. Kahinumdoman kining 349 ang winning number sa usa ka promo nga gipadagan sa Pepsi Cola Company. Ang respondent nga si Atty. Leo B. Diocos ang gi-hire sa mga 349 holders isip ilang abogado sa ilang kaso nga specific performance, sum of money, breach of contract, ug damages batok sa Pepsi Cola Company. Ang unang presidente sa asosasyon ug si Atty. Diocos nagkasabot nga makadawat og 20% sa daog si Atty. Diocos. Mialegar usab si Aboy nga si Atty. Diocos mikolekta og tag PHP 150.00 matag usa gikan sa 500 kapin ka mga sakop sa asosasyon. Ang kaso gi-file sa korte ug na-raffle sa sala ni Judge Winston Villegas.

Niadtong Nobiyembre 7, 2007, gi-order ni Judge Villegas nga i-dismiss ang maong kaso. Sa pagkahibalo nila nga gi-dismiss ang kaso, ang reklamante miadto ni Judge Villegas aron mangayo og kopya sa desisyon, apan wala sila tagai. Maong miadto sila kang Atty. Diocos, apan giingnan sila nga mag-andam og PHP 90,000.00 aron maapelar ang kaso. Ilang gihangyo si Atty. Diocos nga moatras na lang sa kaso aron makakuha silag bag-ong abogado, apan wala siya mohatag og withdrawal.

Pagka-2009, mibalik ang reklamante kang Judge Villegas. Nakakuha na silag kopya sa desisyon, ug ang rason sa pag-dismiss sa kaso mao nga wala makabayad si Atty. Diocos sa docket fees. Apan mialegar ang reklamante nga nawala nila ang ilang kopya sa maong desisyon, ug sa dihang nangayo silag bag-ong kopya, nahimo nang absence of cause of action ang basis sa dismissal.

Sa iyang komento, giangkon ni Atty. Diocos nga gi-engage ang iyang serbisyo alang sa 349 cap holders, apan nga wala siya mangolekta og PHP 150.00 sa matag usa. Miingon siya nga mihatag siyag kopya sa desisyon, apan iyang giingnan ang reklamante nga sila na lay mag-photocopy kay perti man nilang daghana. Sa pagpaatras kaniya isip counsel, miingon siya nga di na niya mahimo kay final na ang kaso.

Miingon ang Supreme Court nga na-violate ni Atty. Diocos ang Code of Professional Responsibility. Matod pa sa CANON 18 – A LAWYER SHALL SERVE HIS CLIENT WITH COMPETENCE AND DILIGENCE. Rule 18.03 – A lawyer shall not neglect a legal matter entrusted to him, and his negligence in connection therewith shall render him liable. Rule 18.04 – A lawyer shall keep the client informed of his case and shall respond within a reasonable time to the client’s request for information.

Gisuspenso si Atty. Diocos ug usa ka tuig. (Agustin Aboy, Sr. Vs. Atty. Leo B. Diocos,  A.C. No. 9176. December 5, 2019)

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.