Brigada Balaod

Signal shutdown sa Sinulog

Viva Pit Señor! Sinulog karon sa Dakbayan sa Sugbo, ug usa sa mga security measures nga gi-implementar sa atong kagamhanan mao ang signal shutdown sa mga cellular phone sites sa uptown ug downtown Cebu City gikan alas 3 sa kaadlawon hangtod alas 7 sa gabii.

Ang signal shutdown mahimo pinaagi sa pag-order sa National Telecommunications Commission (NTC) ngadto sa mga telecommunication companies (Globe Telecom ug Smart Communications) sa pagpawong sa ilang mga mobile phone services.

Kining maong security measure alang sa katuyoan nga dili magamit ang mga cellphone-activated nga mga bomba.

Ang gahom sa NTC nga mo-order sa mga private companies sama sa Globe ug Smart sa pag-undang sa ilang mga mobile services nagsumikad sa gahom sa estado nga mo-regulate sa broadcast frequencies. Kini ang gitawag nga Red Lion doctrine, gikan sa kaso nga Red Lion v. Federal Communications Commission sa Estados Unidos, kang kinsa konsepto giadap dinhi sa Pilipinas: “that broadcast frequencies are a scarce resource whose use could be regulated and rationalized only by the Government.”

Ang NTC namugna pinaagi sa Executive Order No. 546 nga gipagawas niadtong Hulyo 23, 1979. Iyang gi-absorb ang gahom sa kanhi Board of Communications ug Telecommunications Control Bureau, nga maoy nagdumala sa paggamit sa radio frequencies sa Pilipinas. (Ang mga cellphone naggamit og radio frequencies.)

Karon ubos sa Republic Act No. 10844, ang NTC attached agency sa Department of Information and Communications Technology (DICT).

Sa legal nga aspeto, sa akong tan-aw walay basis nga mapaundang kining naandan na sa atong kagamhanan. Morag reasonable exercise of police power ra gyod nga mandaon ang mga telecom companies pag-deny usa og mobile services sa usa ka area for a specific period of time. Bisan ang non-impairment of contract (nga ang estado dili makapanghilabot sa pribadong kontrata taliwala sa duha ka pribadong entity – in this case, sa subscriber ug sa telecom company) subject man gihapon sa reasonable exercise of police power.

Apan ang angay tingali ipangutana kon unsa gayod ka-epektibo ang maong denial of service nga security measure. Sa librong Network Technologies for Network Terrorists gikan sa RAND Corporation, nga ilang giandam alang sa United States Department of Homeland Security, sila miingon: “in the case of cell phones, extremely short-range and highly directional disruption could be advantageous if the target can be identified, but anything else would so disrupt normal cell phone use that it would probably be impractical.” (p. 57)

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published.

This site uses Akismet to reduce spam. Learn how your comment data is processed.