Brigada Balaod

Trabahante di mokuyog sa Sinulog Grand Parade

Usa sa atong suking tigbasahan ning lindog nangutana via text kon mahimo ba siyang di mokuyog sa Sinulog Grand Parade kay di man siya Katoliko. Ang ilang kompaniya apparently moapil sa Grand Parade ug pakuyogon silang tanang empleyado.

Ang atong balaod tataw kaayo nga kon kita empleyado, gibaligya nato ang atong oras ngadto sa atong amo. Sa ato pa, makasugo ang atong amo sa mga butang nga reasonably connected sa atong job description. Sa mga public functions sama sa parada, klaro nga gikinahanglan sa employer ang labing daghan nga employee nga makakuyog aron daghan tan-awon ang contingent sa kompaniya. Ang promotion sa negosyo pinaagi sa mga public events usa sa mga aspeto sa negosyo. Nan, reasonably connected sa trabaho ang pagpakuyog sa parada.

Apan ang isyu sa atong tigbasahan dili man gyod nga pakuyogon siya sa parada, apan nga pakuyogon siya sa relihiyoso nga parada. Kon sa procession itself, I think dili ma-justify ni employer nga mo-sanction ni employee, apan ang Sinulog Grand Parade dili na man na religious procession. Sa jurisprudence pa, incidental na lamang ang religious character niana ug ang main aspect niya mao ang cultural character. Sama ra na sa mga piyesta sa kalungsoran. Sa Estrada v. Escritor nga kaso – usa sa labing taas nga desisyon sa Supreme Court by the way – gi-trace sa Labawng Hukmanan ang history sa interaction sa relihiyon ug public institutions sa Pilipinas ug mi-conclude sila nga given sa atong kultura, benevolent accomodation ang atong standard. Sa ato pa, as long as dili ma-prejudice ang public functions, pwede ang mga aktibidad nga dunay religiosity.

Hinuon, sa akong opinyon, dili pod enough nga ground sa pagtangtang sa trabaho ang di pagkuyog sa maong parada. Tingali ang labing maayong buhaton sa employer mao ang paghatag og laing task sa usa ka non-Catholic aron makatabang pod sa maong activity nga di gyod siya moapil mismo kay against man sa iyang religious views.

Alang sa inyong mga pangutanang legal, text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.