Brigada Balaod

GCTA suspension

Ang Good Conduct Time Allowance Law (R.A. No. 10952) nga gipalabang niadtong 2013 naghatag og allowances sa mga detainee isip bayad sa tinarong nilang pagpuyo sulod sa bilanggoan. Sa unang duha ka tuig, 20 ka adlaw sa matag bulan ang allowance. Sa ato pa, human makapuyo og 3 ka bulan, balig 5 na ka bulan ang naserbisyohan (20 x 3 = 60 days so 2 ka buwan nga allowance).

Kahinumdoman, niadtong Septiyembre 2019, gisuspenso sa kagamhanan ang implementasyon sa GCTA tungod sa kontrobersiya sa pagpagawas kang Mayor Antonio Sanchez nga kombiktado sa 7 ka reclusion perpetua tungod sa linoog nga paglugos ug pagpatay niadtong 1990s.

Ang pangutana sa usa sa atong mga bumabasa mao kini: kon mi-qualify na ang tawo nga makagawas, apan nadugay lag process og naabtan sa GCTA suspension, di na ba diay siya makagawas karon?

Una sa tanan, duda gyod ko nga balido ang pagsuspenso sa GCTA sa atong Executive Branch pinaagi sa Department of Justice, Department of Interior and Local Government, ug Bureau of Jail Management and Penology nga walay concurrence sa Kongreso. Kini man god usa ka balaod ug wala tay katungod nga mo-implement o dili sa balaod gawas lamang kon ang maong balaod naghatag sa maong katungod. Apan wala koy nabasahan sa GCTA law nga nag-ingon nga dunay gahom ang executive department pagsuspenso niini.

Ikaduha, bisan pa kon ibutang ta nga masuspenso gyod siya, katong vested rights na dili na matangtang. Sa ato pa, katong nakuha na sa piniriso iya na to. Di na matangtang pinaagi sa suspension. Kon qualified na siya mogawas, dapat mogawas na siya.

Interesado ko unsaon pag-resolve sa korte ang maong kontrobersiya. Sa akong tan-aw, ang angay nga remedy mao ang pag-file og motion for an order of release gikan sa korte. Apan ang kataw-anan qualified na on time served, bisan pag way GCTA, pila ka buwan gikan karon. Basig mag-una pag kahuman ang iyang time service kay sa pag-resolve sa korte.

Ang GCTA Law maayong balaod; napagan lang gyod ang mga tarong tungod sa pag-abuso niini.

Alang sa inyong mga pangutana, text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.