Brigada Balaod

Philippine Space Agency

Motuo mog sa dili, dunay ahensya ang atong kagamhanan nga ang katuyoan mao ang pagdumala sa atong nasodnong palisiya bahin sa kawanangan. Kini mao ang Philippine Space Agency nga gimugna pinaagi sa Republic Act No. 11363.

Ang maong balaod nagmando usab sa Philippine Space Development and Utilization Policy, nga may unom ka aspeto: national security and development, hazard management and climate studies, space research and development, space industry capacity building, space education and awareness, ug international cooperation.

Sa pagsulat niini, wala pa nuon mapublikar ang first version sa Philippine Space Development and Utilization Policy. Gani mao pa may pag-appoint sa unang Director General sa Philippine Space Agency.

Sa ubang mga nasod, labi na gayod ang mga developed nations, ang ilang utilization sa kawanangan labi na ang pagpalupad og mga satellite usa ka significant contributor sa ekonomiya.

Ang Pilipinas may pipila ka satellite nga rehistrado ubos sa atong bandera, apan laing nasod ang nagpalupad niini.

Tingali layo pa usab ang panahon nga may kapabilidad na kita nga mopalupad sa atong kaugalingong satellite, apan ang pagmugna sa Philippine Space Agency, para nako, usa ka lakang ngadto niini.

May moingon nga usik-usik lang sa kwarta kining maong ahensya. Apan sa tinud-anay lang, taudtaod na nga dunay Philippine Space Education  Program sa Science Education Institute sa Department of Science and Technology. Ang pag-organize sa Philippine Space Agency isip attached agency sa Office of the President pag-ila nga naghatag og importansya sa space research ang atong nasod. Hinaot moabot ang panahon nga ang atong mga sayantipiko malakip na sa mga haniti sa space research, bisan pa kon wala pa kitay budget mopalupad og satellite gikan mismo sa atong teritoryo.

Alang sa inyong pangutanang legal, text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.