Brigada Balaod

Bugnaw nga hot pursuit

Niadtong Enero 3, 2020, sa gabii, mihatag og pahibalo sa publiko ang Consolacion Police Station nga nangayo sila og tabang alang sa pagdakop sa usa ka suspetsado sa nahitabong pagpamusil Enero 1, 2020 mga 7:30 sa gabii didto sa Poblacion Oriental, Consolacion, Cebu. Ilang ginganlan ang suspetsado ug gi-post sa Facebook ang dagway niini. Matod nila, “Consolacion Police pleaded [sic] for your help for the immediate arrest of the suspect.”

Sa ato pa, niadtong puntoha, wala na nila mahibaw-i og hain na ang suspetsado (otherwise, nganong mangayo pa mag tabang sa publiko?).

Sumala sa Lumanog v. People, G.R. No. 18255, September 7, 2010, ang “hot pursuit” usa ka immediate pursuit. Sa ato pa, usa kini ka ginukdanay nga diin ang mga pulis padayong nakahibalo kon asa ang suspetsado, bisan pa kon dili pa sila makaaresto niini tungod sa logistical o manpower reasons (pananglitan, ang suspetsado nagtago sa usa ka mountain hideout nga lisod adtoon, o di ba kaha daghan siyang batos nga kuyog nga pwedeng mosukol sa mga pulis).

Gikan sa sinugdanan, kinahanglan nakahibalo ang mga pulis kinsay ilang gigukod. Unya padayon silang nahibalo sa tanang panahon asa ang suspetsado, wala pa lang gyod nila madakpi.

Apan ning atong gihisgotan, ang krimen nahitabo Enero 1, 2020, sa gabii. Tinuod, nakahibalo pagsugod pa lang ang mga pulis kinsay ilang gigukod. Apan sa ilang pagpangayo og tabang sa publiko, nasuta nga wala na nila mahibaw-i hain na ang suspek.

Lain pa gyod, ang panawagan sa mga pulis Enero 3 na sa gabii. Lapas na sa 48 ka oras. Sa akong tan-aw dili na kini mo-qualify nga hot pursuit kay nabugnaw na.

Kon pugson pagdakop sa sa mga pulis ang suspetsado, mahimo silang pasakahan og Unlawful Arrest.

Matod sa akong higalang police official, ang iyang gipahimo sa iyang mga tawo aron ma-justify ang hot pursuit, padayong i-document ang gipanghimo aron pag-track sa suspetsado.

Akong diyutang sugyot sa mga pulis sa ingon ani nga sitwasyon, ipasaka na lang sa prosecutor’s office ang kaso via regular preliminary investigation.

Alang sa inyong mga pangutanang legal, mahimo kamong mo-text sa 0916-664-7624.

1 thought on “Bugnaw nga hot pursuit”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.