Brigada Balaod

Extraterritoriality sa R.A. No. 8491

May usa ka Youtuber nga nagbase sa Hawaii, United States, nga nag-upload sa iyang video diin nagsayaw-sayaw siya dungan sa pagpatukar sa Nasodnong Awit sa Pilipinas. Actually, dugay na ni nahitabo ug gani nangayo na og pasaylo ang maong Youtuber sa giingong pagpakaubos sa Nasodnong Awit sa Pilipinas, apan mibalik og ka-popular karon sa social media. Gani, mipagawas og abiso ang National Historical Commission of the Philippines (NHCP) nga kini kuno usa ka paglapas sa Republic Act No. 8491, ang atong Flag and Heraldic Code.

Tinuod man pod nga ang Section 38 sa maong balaod nagkanayon:

When the National Anthem is played at a public gathering, whether by a band or by singing or both, or reproduced by any means, the attending public shall sing the anthem. The singing must be done with fervor. xxx The anthem shall not be played and sung for mere recreation, amusement or entertainment purposes except on the following occasions: a. International competitions where the Philippines is the host or has a representative; b. Local competitions; c. During “signing off” and “signing on” of radio broadcasting and television stations; d. Before the initial and last screening of films or before the opening of theater performances; and e. Other occasions as may be allowed by the Institute.

Apan ang R.A. 8491 wala mag-ingon nga may application siya sa gawas sa nasod, kining gitawag nga extraterritoriality. Ang extraterritoriality (effectivity bisan sa gawas sa teritoryo sa nasod) maoy eksepsyon, kay lagi maglisod man kita og implementar sa atong balaod gawas sa atong teritoryo. Busa, gawas kon klaro ang balaod nga nag-ingon nga duna siyay extraterritorial application, dili pwede i-assume nga duna siya niini. Ang kinadul-an sa teksto sa R.A. No. 8491, as pointed out sa akong higala nga si Harvey Fiji, mao ang Section 36 nga nagkanayon “The National Anthem shall always be sung in the national language within or without the country.” Apan walay labot niini ang prohibition sa Section 38 sa pagkanta sa Nasodnong Awit sa Pilipinas “for mere recreation, amusement or entertainment purposes.”

Hinaot unta nga koreksyonan kini sa NHCP, kay ang ingon niining mga abiso nagpasamot lang nuon sa kalibog sa atong katawhan.

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.