Brigada Balaod

Sala sa tag-iya sa kabaw?

Niadtong Huwebes, nabalita ang pagkamatay sa usa ka kabaw didto sa Narra, Palawan tungod sa pagbangga sa usa ka SUV niini. Ang atubangan sa SUV pwerteng gusbata; maayo na lang kay walay namatay sa nagsakay. Gipangita ang tag-iya sa hayop kay pasakahan og pagpasagad.

Ang pagpasagad (neglect) nga gipasabot sa maong news item gi-criminalize sa Section 6, Republic Act No. 8485 (Animal Welfare Act of 1998). Matod sa unang paragraph sa maong section: It shall be unlawful for any person to torture any animal, to neglect to provide adequate care, sustenance or shelter, or maltreat any animal or to subject any dog or horse to dogfights or horsefights, kill or cause or procure to be tortured or deprived of adequate care, sustenance or shelter, or maltreat or use the same in research or experiments not expressly authorized by the Committee on Animal Welfare. Ang silot, pinasubay sa amendments sa R.A. No. 10631, usa ka tuig ug unom ka bulan ngadto sa duha ka tuig nga pagkabilanggo o/ug multa nga dili molapas og PHP 100,000.00.

Pero alang kanako, nga gipasagdan/napasagdan nga walay higot ang maong kabaw dili masulod sa maong Section 6. Kini tungod kay ang neglect nga gipasabot sa maong seksyon, “neglect to provide adequate care, sustenance or shelter”. Napasagdan ba nga wala mahatag ang tukmang pag-amuma, pagkaon ug proteksyon gikan sa mga elemento tungod kay walay higot ang maong kabaw? Ideally, hinigtan ang mga kabaw ug susamang mananap aron dili sila ma-expose sa posibleng kadaot, sama sa sakyanan nga naa sa kadalanan. Apan wala magpasabot nga abi wala nay higot gipasagdan/napasagdan na ang mananap.

Gani, ang dunay legal nga obligasyon sa maong sitwasyon mao ang drayber sa sakyanan. Sumala sa Section 48 sa R.A. No. 4136: No person shall operate a motor vehicle on any highway recklessly or without reasonable caution considering the width, traffic, grades, crossing, curvatures, visibility and other conditions of the highway and the conditions of the atmosphere and weather, or so as to endanger the property or the safety or rights of any person or so as to cause excessive or unreasonable damage to the highway.

Sa pagkatinuod lang, diin man mo nakakita og kabaw nga kusog kaayo midagan nga ang usa ka sakyanan dili na makabantay ug mapugos pagbangga kaniya? Dili man tingali na mobutho og kalit ang kabaw diha sa dalan. Ang akong duda sa maong hitabo, labihang kusoga sa dagan sa sakyanan, nga wala na makabantay sa kabaw ang drayber ug napugos siyag bangga niini. Sa ato pa, ang hitabo dili sala sa tag-iya sa kabaw.

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.