Brigada Balaod

Way labot balikbayan?

Niadtong Enero 1, 2020, giklaro sa Malacañang nga walay labot sa plano nga pag-require og visa sa mga Amerikano nga mosulod sa Pilipinas ang mga balikbayan.

Kahinumdoman nga tungod sa paglakip sa 2020 U.S. budget sa probisyon nga pagdili sa pagsulod sa Estados Unidos sa mga responsable sa pagkabilanggo ni Sen. Leila de Lima, ang atong kagamhanan mipahibalo usab sa pag-require og visa sa mga Amerikano nga mosulod sa Pilipinas.

Sa kasamtangan, ang mga Amerikano, sama sa ubay-ubay pang mga nasyonalidad, makasulod sa Pilipinas nga dili magkinahanglan og visa, basta dili lang molapas og 30 ka adlaw ang pagpuyo dinhi.

Sa miaging tuig, giingong kapin sa uska milyon ka mga Amerikano ang misulod sa Pilipinas.

May upat ka milyon ka mga Filipino-Americans sa U.S.

Ang plano sa atong kagamhanan nga pag-require og visa sa mga Amerikano nga mosulod sa Pilipinas giingon nga shortsighted ug vindictive, kay dili man ang mga responsable lamang sa pagpalabang sa probisyon sa 2020 U.S. budget ang mapagan. Dili ikalimod nga mas gikinahanglan nato nga mosulod sa atong nasod isip mga turista ang mga Kano.

Personal nako nga opinyon, walay epekto ang di paglakip sa mga balikbayan. Sa broadest definition sa maong termino, kini magpasabot sa bisan kinsa nga misulod sa Estados Unidos ginamit ang passport sa Pilipinas, ug misulod sa Pilipinas gamit ang passport sa Estados Unidos, duna man o wala silay intensyon nga magpabilin dinhi sa Pilipinas. (Ang katong passport holder gihapon sa Pilipinas, dili magkinahanglan og visa, obviously.) Apan pila man lamang gayod ang misulod sa U.S. isip mga Pilipino ug mobalik sa Pilipinas isip mga Amerikano?

Wala koy nakit-ang estadistika, apan tataw nga sa upat ka milyon kapin nga mga Filipino-Americans sa U.S., mayoriya kanila mga tal nga American citizens, bisan kon dunay mga kagikan nga Pilipino. Sa ato pa, wala silay ikapakita nga Philippine passport, ug mosulod sila sa Pilipinas ginamit ang passport sa U.S.

Ubos sa R.A. No. 6768, as amended by R.A. No. 9174, ang termino nga “balikbayan” gi-define isip “a Filipino citizen who has been continuously out of the Philippines for a period of at least one (1) year, a Filipino overseas worker, or former Filipino citizen and his or her family, as this term is defined hereunder, who had been naturalized in a foreign country and comes or returns to the Philippines.”

Hinaot makit-an sa atong mga pamuno unsay labing maayong solusyon niining pag-ban gikan sa U.S. sa pipila nga giila sa ilang Secretary of State isip responsable sa pagbilanggo kang De Lima.

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.