Brigada Balaod

U.S. 2020 budget ug De Lima ban

Sa pagpalabang sa Estados Unidos sa ilang 2020 budget, usa sa mga “riders” mao kini:

Prohibition on Entry. – The Secretary of State shall apply subsection (c) to foreign government officials about whom the Secretary has credible information have been involved in the wrongful imprisonment of: xxx (2) Senator Leila de Lima who was arrested in the Philippines in 2017. xxx

Ang Section 7031(c)(1)(A) nagkanayon, “Officials of foreign governments and their immediate family members about whom the Secretary of State has credible information have been involved in significant corruption, including corruption related to the extraction of natural resources, or a gross violation of human rights shall be ineligible for entry into the United States.”

Ang budget, nga nahimong Public Law (PL) No. 116-93, gipirmahan ni Pres. Donald Trump niadtong Disyembre 20, 2019.

Ang pagpalabang sa budget nga naglakip sa pagdili sa pagsulod sa Estados Unidos sa mga opisyal sa Pilipinas nga may kalabotan sa pagkabilanggo ni Sen. De Lima nahimong dakong balita dinhi sa Pilipinas.

Apan niadtong Disyembre 28, 2019, mipagawas sa iyang artikulo si RJ Nieto, nga mas nailhan nga Thinking Pinoy, nga kuno wala sa teksto sa gipirmihan nga PL No. 116-93 ang pag-ban sa mga nag-persecute kang Sen. De Lima.

Sakto man pod tuod, wala sa teksto sa PL No. 116-93 ang ban. Apan wala kini magpasabot nga wala mag-exist ang ban.

Dili man god sama sa atong mga appropriation act kasayon sabton ang appropriation acts sa Estados Unidos. Dinhi sa ato, ang Kongreso constitutionally mandated nga magpalabang og usa ka general appropriation act diin nakalista ang tanang gastohanan alang sa sunod fiscal year (tan-awa ang Sec. 22, Art. VII sa Konstitusyon). Dinhi usab sa atoa, gidili ang “riders” (mga probisyon sa appropriation law nga walay kalabotan sa budget mismo), apan dili kini unconstitutional didto sa U.S.

Ang gihimo unta ni Mr. Nieto, iyang gibasa ang Final Bill, diin nakabutang ang Explanatory Statement, nga miingon nga ang State and Foreign Operations (SFOP) reports sa Senado ug House of Representatives incorporated by reference sa balaod. Ang De Lima rider naa actually sa page 93 sa Senate SFOP.

Usa lamang kini ka pananglitan sa panultihon nga “A little learning is a dangerous thing.” Maayo unta og moisyu og erratum si Mr. Nieto.

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.