Brigada Balaod

Gahom sa Local School Board

Pipila ka adlaw kanhi mipahibawo si Cebu Provincial Governor Gwen Garcia nga buot niya nga gamiton sa mga tulunghaan ang English isip medium of instruction. Niadtong December 13, 2019, ang Provincial School Board mipalabang og motion sa paggamit sa Iningles isip pinulongan sa pagtudlo.

Matod sa Section 99 sa Local Government Code, ang gahom sa Local School Board naglakip lamang niining mosunod: 1) pagdeterminar sa annual supplementary budget needs alang sa mga publikong tulunghaan; 2) pag-authorize sa treasurer sa lalawigan/dakbayan/lungsod pag-release og pondo gikan sa Special Education Fund pinasubay sa budget; 3) isip advisory committee sa sanggunian; ug 4) pagrekomendar og pag-usab sa ngalan sa mga tulunghaan sa ilang hurisdiksyon alang sa pagpasar og ordinansa sa sanggunian.

Wala niining upat ang pagdeterminar unsay medium of instruction.

Ang medium of instruction gimbut-an sa Republic Act No. 10533, ang Enhanced Basic Education Act of 2013. Ang Section 4 niini nag-ingon:

xxx

Basic education shall be delivered in languages understood by the learners as the language plays a strategic role in shaping the formative years of learners.

For kindergarten and the first three (3) years of elementary education, instruction, teaching materials and assessment shall be in the regional or native language of the learners. The Department of Education (DepED) shall formulate a mother language transition program from Grade 4 to Grade 6 so that Filipino and English shall be gradually introduced as languages of instruction until such time when these two (2) languages can become the primary languages of instruction at the secondary level. xxx

Sa ato pa, kon buot sa provincial government sa Sugbo nga mausab ang medium of instruction, dili lang kini pinaagi sa usa ka action sa Local School Board. Gikinahanglan ang national law mismo maoy usbon.

Alang sa inyong mga pangutanang legal, i-text sa 09166647624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.