Brigada Balaod

13th month pay

Ubay-ubay kitag nadawat nga pangutana kabahin sa 13th month pay. Ugmang adlawa, December 24, 2019, mao ang kataposang adlaw sa paghatag sa 13th month pay alang sa 2019.

Ang tanang empleyado sa pribadong sektor nga nakatrabaho og at least usa ka buwan sulod sa tuig entitled sa 13th month pay. Dili kini magdepende kon probationary pa o regular na ang empleyado. Dili sab sa unsay paagi sa panweldo (inadlaw, sinemana, kinensina o binuwan).

Hinuon kon wala kaabot og usa ka tuig ang pagtrabaho pro-rated o adjusted ang 13th month pay.

Aron makuha ang 13th month pay sumadahon ang tanang basic salary nga nadawat sulod sa tuig og kuhaon ang 1/12. Kini mao ang 13th month pay. Walay labot ang overtime pay, premium pay, holiday pay, night differential, rest day premium, cost-of-living allowance (COLA) ug uban pa, except kon incorporated kini sa sweldo. (Unsaon paghibalo kon incorporated kini? Pananglitan, kon dili mausab ang binuwan nga sweldo may overtime man o wala, incorporated ang overtime pay.)

Exempted sa income tax ang 13th month pay kon ubos sa P90,000.00.

Kon mi-resign o natangtang sa trabaho ang empleyado, mahimong sa Disyembre 24 na sa maong tuig ihatag ang pro-rated 13th month pay.

Kon dili gayod mohatag og 13th month pay ang employer, mahimong modangop sa regional office sa Department of Labor and Employment (DOLE). Sa region 7 lakip ang dakbayan ug lalawigan sa Sugbo, ana mahimutang sa eskina Gorordo ug Echavez sa Cebu City ang DOLE. Mahimo usab nga adto modangop sa Regional Arbitration Branch (RAB) sa National Labor Relations Commission didto sa Jones Ave. Sa mga naa sa mga lungsod mahimo usab nga magpatabang sa Public Employment Service Office (PESO) nga makit-an sa munisipyo.

Alang sa inyong mga pangutanang legal, i-text sa 09166647624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.