Brigada Balaod

Court of Appeals

Ang Court of Appeals (CA) ang ikaduhang kinalabwang husgado sa Pilipinas, ubos lamang sa Supreme Court (SC). Ang maong korte mipuli sa nailhan kaniadto nga Intermediate Appellate Court (IAC). Ang CA may hurisdiksyon sa appeals gikan sa desisyon ug resolusyon sa Regional Trial Court (RTC), Civil Service Commission (CSC), Securities and Exchange Commission (SEC), Social Security Commission (SSC), Civil Aeronautics Board (CAB), Government Service Insurance System (GSIS), ug uban pang mga quasi-judicial agencies nga gilista sa Section 1 sa Rule 43 sa Rules of Court, except sa Court of Tax Appeals nga molargo na sa Supreme Court pinasubay sa Republic Act No. 9282. Ang mga desisyon sa Ombudsman sa administrative cases adto usab ipasaka sa CA, apan ang sa criminal cases adto largo sa SC.

Ang CA may usa ka Presiding Judge ug 68 ka Associate Justices. Mahimo kining mag-sit en banc (silang tanan) o 23 ka dibisyon nga tag-tulo ka sakop matag dibisyon.

Ang mga sakop sa CA gigrupo ngadto sa tulo, pinasubay sa seniority binase kanus-a na-appoint. Ang 23 ka mga labing karaan nga sakop mao ang Chairperson sa 23 ka dibisyon. Ang misunod nga 23 mao ang Senior Member samtang ang nahabilin mao ang Junior Member.

Ang 17 ka nag-unang dibisyon adto sa Manila magbase, ug maoy modawat sa mga kaso gikan sa National Capital Region ug sa First, Second, Third, Fourth ug Fifth Judicial Regions. Ang Eighteenth, Nineteenth, ug Twentieth Divisions, sa Cebu City nagbase, ug maoy modawat sa mga kaso gikan sa Sixth, Seventh, ug Eighth Judicial Regions. Ang Twenty-First, Twenty-Second, ug Twenty-Third Divisions, sa Cagayan de Oro nagbase, ug maoy modawat sa mga kaso gikan sa Ninth, Tenth, Eleventh, ug Twelfth Judicial Regions.

Ang CA traditionally maoy stepping stone sa mga buot mahimong justice sa Supreme Court. Napulo sa 14 ka mga sakop sa SC karon (may bakante pang usa sa pagsulat niini) pulos gikan sa CA sa wala pa ma-appoint isip sakop sa SC. Sa kasamtangan, may siyam ka bakanteng posisyon sa CA. Ang current Acting Presiding Justice mao si Justice Remedios A. Salazar-Fernando.

Ang mga sakop sa Eighteenth Division, as of December 9, 2019, mao kining mosunod: Hon. Gabriel T. Ingles, Chair; Hon. Emily R. AliƱo-Geluz, Senior Member; ug Hon. Carlito B. Calpatura, Junior Member. Sa Nineteenth Division: Hon. Pamela Ann Abella Maxino, Chair; Hon. Dorothy P. Montejo-Gonzaga, Senior Member; Hon. Carlito B. Calpatura, Acting Junior Member. Sa Twentieth Division: Hon. Marilyn B. Lagura-Yap, Chair; Hon. Alfredo D. Ampuan, Senior Member; ug Hon. Carlito B. Calpatura, Acting Junior Member.

Alang sa inyong mga pangutanang legal, i-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.