Brigada Balaod

Development plan batok CARP

Sa tuig 1991-2000, gi-designate isip industrial zone sa lungsod sa Sta. Cruz, Davao del Sur, ang 220 ka ektarya nga Tan Kim Kee Estate. Ang maong designation pinaagi sa usa ka Municipal Comprehensive Development Plan/Land Use Plan and Zoning Ordinance nga giaprobahan sa Municipal Development Council, ug gi-adopt sa Sangguniang Bayan, sa Sangguniang Panlalawagin, sa Regional Development Council, ug sa Inter-Agency Committee on Town Planning and Review. Ang maong designation gisunod usab sa 2000-2012 nga bersyon sa maong zoning ordinance.

Sa tuig 2012, ang Department of Agrarian Reform (DAR) mipaubos sa Tan Kim Kee Estate sa Comprehensive Agrarian Reform Program (CARP). Kini human ang mga tag-iya sa Estate wala makahimo sa conversion gikan sa agricultural ngadto sa commercial/industrial bisan pa man sa extension nga gihatag sa ila. Apan sa wala pa ang deklarasyon sa DAR nga covered sa CARP ang maong Estate, ang mga tag-iya niini mi-file og exclusion, kay kuno ang maong yuta gigamit actually, exclusively, and directly alang sa cattle raising. Ang maong petition for exclusion gi-deny 2013.

Tungod sa pagkadiskaril sa ilang development plan tungod sa CARP, ang lungsod sa Sta. Cruz, pinaagi sa ilang mayor, mipadangat ngadto sa Korte Suprema og petisyon aron pakgangon ang Provincial Agrarian Reform Officer sa Davao del Sur sa pag-implementar sa CARP. Kay lagi kuno, nga industrial zone ang Tan Kim Kee Estate usa sa key strategies sa pag-develop sa lungsod.

Gi-deny sa Supreme Court (SC) ang maong petition. Matod sa SC, bisan kon ang local government unit (LGU) sa Sta. Cruz mahimong makadangop sa SC o sa Court of Appeals alang sa maong petisyon, wala sila makapakita og rason nga modireto sa SC. Usa pa, dili real party-in-interest ang LGU, kay dili man sila ang registered owner sa maong Estate, ug ang ilang perceived and anticipated benefit, mere expectancy lang.

(The Local Government Unit of Sta. Cruz, Davao del Sur, represented by its Mayor, Atty. Joel Ray L. Lopez, versus Provincial Office of the Department of Agrarian Reform, Digos City, Davao Del Sur, G.R. No. 204232, October 16, 2019)

Alang sa inyong mga pangutana, text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.