Brigada Balaod

Forum shopping

Kon mokiha kita batok sa laing tawo, posible nga pipila ka mga opisina, korte o administrative agency ang mahimo nimong daganan.

Pananglitan, kon naa sa kagamhanan nagtrabaho ang imong kaatbang, mahimo kang modangop sa Ombudsman, o sa Civil Service Commission (kun civil service employee). Kon pulis, mahimong sa Ombudsman, CSC, People’s Law Enforcement Board (PLEB), o sa National Police Commission (NAPOLCOM).

Kining maong mga opsyon makaayo sa administrasyon sa atong hustisya, kay kon sa paminaw nimo di ka mahatagag fair day in court sa usa ka opisina, pwede man ka adto sa lain modangop.

Ang nakapait lang kay kini giabusohan sa kanhiay. Ang himoon, ikiha ang kaatbang sa tanang opisina diin siya pwede makiha, unya kon alkansi sa usa ka opisina, iatras didto ang kaso.

Maong as a general rule karon, gidili na kining gitawag og forum shopping. (Gitawag ni nga forum shopping kay namili kag forum – korte, administrative agency o tribunal – diin himoon ang paghusay.)

Matod sa Supreme Court: There is forum shopping when a party repetitively avails of several judicial remedies in different courts, simultaneously or successively, all substantially founded on the same transactions and the same essential facts and circumstances, and all raising substantially the same issues either pending in or already resolved adversely by some other court. Forum shopping is an act of malpractice that is prohibited and condemned because it trifles with the courts and abuses their processes. It degrades the administration of justice and adds to the already congested court dockets.

Tulo ka paagi ang pag-commit sa forum shopping.

Ang una mao ang pagsang-at og laing kaso nga adunay sama nga cause of action ug sama nga relibo nga gipangayo samtang wa pa maresolbar ang unang kaso. Kini ang gitawag nga litis pendentia.

Ang ikaduha mao ang pagsang-at og laing kaso, same cause of action, same prayer, apan nahuman ang previous case. Mao ni gitawag nga res judicata.

Ang ikatulo mao ang pagsang-at og laing kaso, same cause of action, apan lahi og prayer (splitting cause of action).

Kon dili willful and deliberate ang forum shopping, ang naulahing mga kaso i-dismiss without prejudice, based on litis pendentia o res judicata. Apan kon willful and deliberate, mahimong i-dismiss with prejudice ang tanang kaso.

Ang forum shopping direct contempt usab. Ang abogado nga guilty sa maong practice mahimo usab nga disiplanohon sa Supreme Court.

Alang sa inyong mga pangutana, text sa 0916-664-7624.

Leave a Reply

Your email address will not be published.

This site uses Akismet to reduce spam. Learn how your comment data is processed.