Brigada Balaod

Defamation suit batok kang Musk

Sa natad sa teknolohiya karon, ang ngalang Elon Musk nagbansiwag. Siya ang tag-iya sa mga kompaniyang SpaceX, Tesla ug Hyperloop. Ang SpaceX lagyo na kaayo og nakab-ot sa space travel, usa na niini ang paggamit og reusable shuttles (sa una god human makalupad, sunogon na pagbalik sa kalibotan ang shuttle nga maoy mohatod sa space ship ngadto sa kawanangan). Ang Tesla usab nag-una sa electric cars, labi na gayod sa groundbreaking battery technology. Samtang ang Hyperloop may mga prototype na usab alang sa modern transport system.

Niadtong miaging tuig, samtang dunay mga batan-on nga na-trap sa usa ka cave system didto sa Thailand, gisugo ni Elon Musk ang iyang mga engineer paghimo og mini-submarine aron maka-rescue. Hinuon, bisan nahuman gyod ang maong mini-submarine, wala kini maggamit kay naluwas na ang mga bata pag-abot niini didto sa Thailand.

Si Vernon Unsworth, usa sa mga cave diver nga miluwas sa mga bata, mitawag sa gihimo ni Musk isip “publicity stunt”. Tungod sa insulto, mi-tweet pod si Musk, gitawag nga “that pedo guy” si Unsworth. Resulta, gikiha og defamation si Musk.

Nag-ung-ong ang kaso karon sa United States District Court. Interesting ni nga kaso, kay bisan dili jurisprudential precedent ang mga decision sa mga korte sa ubang nasod, ang atong balaod sa libel kinopya gikan sa Estados Unidos ug dunay gibug-aton ang ilang mga desisyon sa defamation/libel sa atong mga susamang balaod diri sa Pilipinas.

Ang pangutana mao nga libelous ba ang “that pedo guy”. Duna ba kini defamation? Magamit unya sa mga korte sa Pilipinas ang desisyon sa Musk case.

Hinuon didto sa ilaha, dili kasong kriminal ang libel, busa kon mapildi si Musk, makabayad ra siya, dili mapriso.

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.