Brigada Balaod

Anti-wiretapping ni Mabatid? (Part 2)

Kagahapon atong gisugdan paghisgot ang pag-play ni Cebu City councilor Niña Mabatid didto sa city council sa recorded conversation tali niya ug sa mga kihante batok kang Kap. Lorenzo Basamot.

Naka-violate ba si Konsehal Mabatid sa Anti-Wire Tapping Law?

Kon ang pag-record sa maong conversation may pagtugot sa kaestorya, nan klarong walay violation si Konsehala.

Apan unsaon kon walay pagtugot gikan sa iyang kaestorya, depensa ba sa Konsehala nga didto niya kini gi-play sa privilege speech?

Interesting ni nga pangutana. Sa mga Senador ug mga Representante, tataw ang Konstitusyon: “No Member shall be questioned nor be held liable in any other place for any speech or debate in the Congress or in any committee thereof.” (Section 11, Article 6).

Apan as far as I know, walay susamang proteksyon ang mga local elective officials (specifically, mga local legislator). Sa ato pa, kon libelous ang speech sa usa ka konsehal diha sa konseho, mahimo siyang mapasakahan og kaso, ug dili excuse nga privileged ang speech.

Gani, ang tibuok Local Government Code kausa lamang gayod mi-mention sa termino nga “privilege speech”: Section 51 sa Book I, “Full Disclosure of Financial and Business Interests of Sanggunian Members.” Matod pa: “Disclosure shall be made when a member takes a position or makes a privilege speech on a matter that may affect the business interest, financial connection, or professional relationship described herein”.

Ato ning tutokan nga maong hisgotanan.

(Disclaimer: Ang tagsulat ang abogado ni Kap. Basamot sa libel case batok sa tulo ka kihante batok kaniya.)

Alang sa inyong mga pangutanang legal, mahimo kamong mo-text sa 0916-664-7624.

1 thought on “Anti-wiretapping ni Mabatid? (Part 2)”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.