Brigada Balaod

Sabot sa nasabotan na

Niadtong November 26, 2019, nabalita ang giingong pagpinarmahay sa Republic of Korea (South Korea) ug Pilipinas og usa ka free-trade deal.

Naglibog ko niini kay December 13, 2005 pa lamang, duna nay ASEAN-Korea Free Trade Agreement (FTA).

Niadtong 2005, gipirmahan sa ASEAN Member States (lakip ang Pilipinas) ug sa Republic of Korea ang Framework Agreement on Comprehensive Economic Cooperation didto sa Kuala Lumpur, Malaysia.

Niadto usab Agosto 24, 2006, gipirmahan ang ASEAN-Korea Trade in Goods Agreement, nga ang nag-unang katuyoan mao ang pagtangtang sa mga taripa sa hapit tanang produkto nga gipalit-baligya. Mi-take effect kini Hunyo 2007.

Gisundan pa gyod pagka November 21, 2007, gipirmehan ang ASEAN-Korea Trade in Services Agreement, usa ka legal framework para i-liberalize ang trade in services.

Duha ka tuig human sa Trade in Services Agreement, migawas pod ang ASEAN-Korea Investment Agreement, usa ka legal framework aron palapdan pa ang pamuhonan taliwala sa mga nasod sa ASEAN ug sa South Korea.

Gisulayan nakog pangita og unsay specifics sa giingong bag-ong kasabotan taliwala sa Pilipinas ug South Korea, apan walay available online. Apan morag dili pod mosugot ang ubang ASEAN countries nga mas paboran kay sa kanila ang Pilipinas.

Hinaot nga ipasabot ni sa kagamhanan, ug nga duna gyoy significant nga kalainan ang bag-ong bilateral agreement kaysa existing ASEAN agreement.

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.