Brigada Balaod

Reclassification sa Bantayan Island

Sumala sa balita, giaprobahan na sa Kamara de Representante ang House Bill No. 3861, nga gisulat ni Cebu 4th District Rep. Janice Salimbangon. Ang maong balaodon nag-reclassify sa Bantayan Island ug nagtangtang niini gikan sa lista sa mga protected zones.

Kahinumdoman, ang Bantayan Island nalakip sa Proclamation No. 2151 ni kanhi Pres. Ferdinand E. Marcos niadtong 1981, nga nagdeklara sa pipila ka mga pulo ug bahin sa nasod isip wilderness areas. Isip wilderness areas, reserbado ang maong mga isla “for foreshore protection, maintenance of estuarine and marine life, including special forests for the exclusive habitats of rare and endangered Philippine flora and fauna and for such other purposes under LOI No. 917, as amended.”

Isip wilderness area, ang maong mga dapit “shall not be the subject of exploitation of whatever nature.”

Apan kon klarohon og basa ang Proclamation No. 2151, girespeto sa maong proklamasyon ang “existing recognized and valid private rights, if any there be” as of December 29, 1981, ang petsa sa maong proklamasyon. Sa ato pa, katong mga giokupar na nga portion ning maong mga isla ning maong petsa, walay labot sa Proclamation No. 2151, o sa laing pagkasabot, subject gihapon sila sa “entry, sale, settlement, exploitation of whatever nature or forms of disposition” basta duna nay existing recognized and valid private rights.

Hinuon, ang balaodon ni Kong. Salimbangon, kon mahimong balaod, magklaro na gyod unya sa status sa tanang portion sa isla. Matod sa maong balaodon, duna na unyay agricultural, commercial, residential, industrial zones sa isla. May mga yuta na nga mahimong titulohan.

May basehan sab nuon ang pagduda sa pipila ka sektor nga sa pagpasar unya sa maong balaod, basin mamahimong sama sa Boracay ang development sa isla, ug makalimtan na ang  proper land use plan ug water-carrying capacity plan.

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.