Brigada Balaod

Di krimen ang pag-vape

Niadtong imaging semana, mipagawas og verbal nga kamandoan si Pres. Rodrigo Roa Duterte sa pagdili sa mga vaping devices ug electronic cigarettes (e-cigarettes). Tuod man, niadtong November 20, 2019, ang Acting Regional Director sa Philippine National Police (PNP) mipagawas og kaugalingong memorandum pag-implementar sa maong pag-ban sa mga vape ug e-cigarettes. Sa mao usab nga adlaw, mipagawas ang Cebu Provincial Director og kamandoan nga nagsugo sa mga Chief Police ning mosunod:

  1. Apprehend persons using vapes in public places by confiscating their vaping devices, however refrain from arresting the concerned;
  2. Confiscated vaping devices will be brought to the Regional Headquarters, Police Regional Office 7 on November 21, 2019 at 8:00 AM for presentation during a press conference;
  3. Coordinate with Local Government Units for the formulation and implementation of local ordinances supporting the pronouncement of HEPRRD against vaping in public and vaping devices; and
  4. Identify the store owner and seller of Vapes and E-Cigarettes.

Apan dili krimen ang pag-vape, ug ingon man ang pagbaligya og mga vaping devices ug e-cigarettes. Nullum crimen nulla poena sine lege. Walay krimen kon walay balaod nga nag-criminalize sa usa ka buhat.

Walay nasodnong balaod nga nagdili sa vaping, vaping devices, ug e-cigarettes. Ang pronouncement ni Pres. Duterte dili balaod in the sense nga nag-criminalize kini sa maong buhat ug mga butang, kay wala kining maong gahom sa iyaha. Ang paghimog balaod gahom sa Kongreso.

Besides, bisan pag dunay balaod nga mapasar kabahin niini, sa akong tan-aw, madeklara kini nga unconstitutional sa Supreme Court kon dunay modangop sa Korte Suprema. Kini tungod kay walay compelling state interest nga i-criminalize ang vaping, vaping devices, ug e-cigarettes.

Kita personal wala makauyon niining mag-vape, labi na gayod sa mga publikong lugar. Apan samtang walay balaod nga nagdili sa maong buhat, o kon duna man dili kini makalabang sa compelling state interest test, dili mahimong dakpon o bisan kompiskahon man lang ang mga device sa maong mga tawo.

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.