Brigada Balaod

Priso tungod sa survey?

Gikataho nga ang Philippine Statistics Authority (PSA) Region 7 mipasaka og kaso sa usa ka respondent sa ilang gihimong Family Income and Expenditure Survey (FIES) nga matod pa midumili sa pagtubag sa survey. Tuod man ang maong respondent nahimong akusado sa usa ka kaso nga karon nasang-at sa Municipal Trial Court in Cities (MTCC) Branch 3, Cebu City. Naisyuhan siya og warrant of arrest ug gipapyansa sa kantidad nga P6,000 alang sa iyang temporaryong kagawasan.

Alang kanako kining maong pagpasaka og kasong kriminal sa maong respondent, overstretch sa police power sa Estado, ug naka-violate sa equal protection clause sa atong Konstitusyon.

Tinuod, ang Section 25 sa Republic Act No. 10625 nagkanayon, “The National Statistician shall determine whether a statistical inquiry or survey to be conducted is with or without an obligation to provide information. If such obligation is stipulated, all respondents whether natural or legal persons shall be liable to reply to the statistical inquiry or survey. This section applies to all statistical inquiries or surveys conducted by other statistical offices in the PSS.”

Apan unsay compelling state interest para i-criminalize ang pagdumili sa pagtubag sa survey? Ang silot niini usa ka tuig nga pagkabilanggo ug P100,000 nga multa. Maayo unta kon ang silot multa lang nga dili kaayo dako.

Usa pa, violation sa equal protection clause ang pagsilot sa dili pagtubag sa survey. Kini tungod kay walay reasonable classification sa mga respondent ug sa mga non-respondent. Mao gali nga subset ang mga respondent sa tibuok set of possible respondents. Sa ato pa, kon ang usa ka respondent magdumili pagtubag, mahimo kaayo sa PSA paghulbot og lain nga ipuli kaniya.

Nakasabot kita sa panginahanglan nga accurate ang atong survey results. Apan tingali dili tukma ang ingong kadakong silot alang sa pagdumili sa pagtubag sa survey.

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.