Brigada Balaod

Rule on singular correspondence

Kining rule on singular correspondence gipakanaog sa Supreme Court sa Belgica v. Ochoa, Jr., 721 Phil. 416 (2013), nga nagdeklara sa Priority Development Assistance Fund (PDAF), nga mas nailhan sa publiko nga pork barrel, isip unconstitutional.

Ubos ning maong lagda, ang balido nga item sa national budget kanang dunay singular correspondence, sa ato pa, an allocation of a specified singular amount for a specified singular purpose.

Actually, ang 2013 nga Belgica case wala magdeklara nga unconstitutional sa tanan nga lump sum appropriation. Matod sa latest nga Belgica case (G.R. No. 210503, October 8, 2019), ang usa ka lump-sum appropriation, bisan pa og gigamit nga funding source sa daghang mga programa o project, mahimo gihapong “line-item”, sa ato pa, ma-veto sa Presidente, basta lang ang maong mga programa ug proyekto gi-classify ubos sa usa ka singular appropriation purpose. Matod pa sa concurring opinion ni Justice Estela M. Perlas-Bernabe sa 2019 Belgica case, “This singular purpose may be as general or specific as the legislative department deems it to be, provided that such generality or specificity does not negate the President’s proper exercise of his item veto power.” (Si Justice Bernabe ang ponente kun tagsulat sa desisyon sa 2013 Belgica case.)

Ang hinungdan man god nga gideklara nga unconstitutional kadtong 2013 nga PDAF Article tungod kay ang lump-sum nga P24.79 bilyon gihimong funding source alang sa multiple unrelated purposes (“scholarships, medical missions, assistance to indigents, preservation of historical materials, construction of roads, flood control, etc.”). Ang maong unrelated multiple purposes gipaubos sa giingong “Priority Development Assistance Fund”, diin kadtong gipagawasan sa pundo (ang mga representante) maka-decide kon unsa nga public purpose ang prayoridad alang kanila.

Kining singular correspondence makita sa 2014 General Appropriations Act sa Unprogrammed Fund, nga buot ni Belgica nga ipadeklara nga unconstitutional. Busa, kay may singular correspondence man, constitutional ang maong Unprogrammed Fund.

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.