Brigada Balaod

Bail

Ang bail, kun pyansa, “security given for the release of a person in custody of the law, furnished by him or a bondsman, to guarantee his appearance before any court as required under the conditions herein specified” (Sec. 1, Rule 114, Rules of Criminal Procedure).

Ang katungod nga makapyansa gigarantiya sa Konstitusyon. Matod pa sa Article III, Section 13, “All persons, except those charged with offenses punishable by reclusion perpetua when evidence of guilt is strong, shall, before conviction, be bailable by sufficient sureties, or be released on recognizance as may be provided by law.”

Bisan kon ang Konstitusyon nag-ingon “reclusion perpetua”, kini gi-interpret nga “capital offense”, busa kadtong mga krimen nga gisilotan og kamatayon, life imprisonment ug reclusion perpetua. (Pagpanday man god sa 1987 Constitution, gitangtang ang death penalty, apan isip compromise, gitugtan ang Kongreso nga mopabalik niini kon gikinahanglan.)

Apan dili buot ipasabot nga capital offense dili na makapyansa. Magdepende kini kon ang “evidence of guilt is strong” ba.

Ang himoon sa manlalaban sa tawong gipasinganlan og capital offense, mo-file of Petition for Bail. Ang prosecution tagaan og tsansa nga mo-probar nga kusganon ang ebidensya nga nakasala gyod ang akusado. Kon weak ang ebidensya, tugtan ang akusado nga makapyansa.

Kon nakombikto na gali, ang pagpyansa dili na matter of right, kon dili matter of discretion sa korte. Kini tungod kay na-overcome na ang presumption of innocence. Kining presumption of innocence (nga walay sala ang tawo gawas kon makapakita og ebidensya nga may sala siya) maoy basis sa katungod nga mopyansa.

Ang pyansa mahimong cash bond (kwarta, mauli human sa kaso), surety (porsyon lang sa amount sa bail, apan dili na mauli), property bond (ang yuta maoy kuhaon sa korte kon mo-jump bail), o recognizance (dunay tawo nga mobarog nga siyay moseguro nga mobutho gyod sa hearing ang akusado).

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published.

This site uses Akismet to reduce spam. Learn how your comment data is processed.