Brigada Balaod

Pagdala og marijuana sa airport

Niadtong Biyernes, November 15, 2019, mibaniog ang pagkasikop ni Atty. Ceasar Tabotabo didto sa Mactan Cebu International Airport sa akusasyong pagdala og pinaugang dahon sa marijuana.

Matod pa, gisulod sa pakete sa sigarilyo ang pinaugang dahon. Kuno, mitingog ang Initial Security Screening Checkpoint sa airport pag-agi sa manlalaban, ug maong gisusi sa mga tinugyanan sa Office for Transportation Security (OTS). Gikuot kuno sa abogado ang pakete sa sigarilyo diha sa iyang bulsa ug gikumot sa iyang kamot. Gihangyo sa mga sakop sa OTS nga tan-awon ang gikuptan ni Atty. Tabotabo, ug gibutang kini niya sa lamesa.

Personal ko nga kaila si Atty. Tabotabo, ug dili ko katuo nga nag-abuso siya sa marijuana.

Ang nakapait niining tanan kay non-bailable kun walay pyansa ang maong salaod. Matod pa sa Section 5 sa Republic Act No. 9165, “The penalty of life imprisonment to death and a fine ranging from Five hundred thousand pesos (P500,000.00) to Ten million pesos (P10,000,000.00) shall be imposed upon any person, who, unless authorized by law, shall sell, trade, administer, dispense, deliver, give away to another, distribute dispatch in transit or transport any dangerous drug, including any and all species of opium poppy regardless of the quantity and purity involved, or shall act as a broker in any of such transactions.”

Kay life imprisonment man, capital offense, ug ubos sa atong Konstitusyon, Section 13, Article III, “All persons, except those charged with offenses punishable by reclusion perpetua when evidence of guilt is strong, shall, before conviction, be bailable by sufficient sureties, or be released on recognizance as may be provided by law.”

Hinuon, tungod kay allegedly mga P50 ra ang balor sa pinaugang dahon sa marijuana nga nakuha kuno gikan kang Atty. Tabotabo, mahimo siyang mo-avail sa plea bargaining sa drug cases aron maka-probation.

Bisan pa kon tinuod nga nakuhaan gyod og marijuana si Atty. Tabotabo, kining maong hitabo usa ka example nga ang atong balaod sa illegal drugs mas daghan pang giguba nga kinabuhi kaysa illegal drugs mismo.

Gani, sa mga pagtuon, ang marijuana mas ubos og kadaot nga nahatag ngadto sa tawo ikumpara sa sigarilyo ug sa ilimnong makahubog. Apan ang duhang naulahi legal, samtang ang marijuana illegal.

Alang sa inyong mga pangutanang legal, mahimo kamong mo-text sa 0916-664-7624.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.