Brigada Balaod

NADPA 2015-2020

Sayod kita nga ang anti-illegal drugs nga kampanya maoy centerpiece sa pamunoan ni Pres. Rodrigo Roa Duterte.

Sa mga troll sa Internet, kanunay nga gibasol sa kanhi administrasyon ni Pres. Benigno “Noynoy” Aquino III ang pagkuyanap sa ilegal nga druga sa nasod.

Apan surprisingly, ang anti-illegal drugs action plan nga gipatuman hangtod sa kasamtangan mao gyapon ang National Anti-Drug Plan of Action (NADPA) 2015-2020, nga gipagawas niadtong 2015 ubos sa pamunoan ni Pres. Aquino ug sa pagdumala ni Antonio A. Villar Jr., Chairperson sa Dangerous Drugs Board (DDB). Gani, sa Executive Order No. 17, series of 2017, nga nag-create sa Inter-Agency Committee on Anti-Illegal Drugs (ICAD), ang maong NADPA 2015-2020 maoy gyapon ang gipaimplementar.

Niadtong 2002, human sa effectivity sa R.A. No. 9165, ang kasamtangan natong balaod kabahin sa drugas, ang DDB miestablisar sa National Anti-Drug Strategy (NADS), nga misagop og tulo ka paagi sa pagsumpo sa druga – kampanya sa pagpaubos sa suplay ug sa demand; development/reform package; ug people empowerment campaign.

Sukad niadto, gimugna na ang NADPA, nga maoy nagklaro og unsay papel sa matag ahensya.

Ubos sa pamunoan ni kanhi Pres. Aquino, namugna ang NADPA 2015-2020.

Ubos sa Drug Supply Reduction Strategy, ang katuyoan mao ang pagkuha gikan sa access sa publiko alang sa katuyoan sa pag-abuso. Kini naglakip sa market denial operations, ug ingon man sa pag-prevent sa diversion gikan sa licit ngadto sa illicit nga merkado. Sa Drug Demand Reduction Strategy, ang focus mao ang user side. Kini pinaagi sa mga preventive education program, treatment ug rehabilitation ug after-care program, ug ang padayong pagpanukiduki sa mga aspeto sa problema sa druga.

Sa Alternative Development Strategy, ang katuyoan mao ang pagpaubos sa produksyon sa marijuana pinaagi sa sustainable rural development ug alternative livelihood programs. Sa Civic Awareness and Response Strategy, ang konsepto mao ang pagpasaka sa kahibalo sa komunidad sa makadaot nga epekto sa ilegal nga druga.

Sa Regional and International Cooperation Strategy, ang katuyoan mao ang pakigsandurot sa ubang mga nasod ug international agencies aron mohimo og tie-up projects, exchange of drug reports, study tours ug field visits.

Hinaot nga sa dili pa mapupos ang 2020, makapagawas na og bag-ong NADPA ang DDB aron magiyahan ang Duterte administration sa nahabiling duha ka tuig niini sa poder sa 2021 ug 2022.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.