Brigada Balaod

Ang ICAD

Niadtong miaging semana, gitudlo si Vice President Leni Robredo ni Pres. Rodrigo Duterte isip co-chair sa Inter-Agency Committee on Anti-Illegal Drugs (ICAD).

Ang ICAD namugna pinaagi sa Executive Order No. 17, series of 2017, nga gipagawas ni Pres. Duterte niadtong Marso 6, 2017.

Lakip sa katuyoan sa ICAD mao ang pagseguro sa epektibo nga anti-illegal drugs operations ug ang pagdakop sa mga high-value drug personalities ngadto na sa street-level pushers ug users; ang implementasyon sa National Anti-Drug Plan of Action (NADPA) 2015-2020; pagseguro sa komprehensibo nga implementasyon sa Barangay Drug-Clearing Program; pagseguro sa intensibo nga advocacy campaign initiatives; pagseguro nga ang tagsa-tagsang papel sa mga sakop nga ahensiya ma-carry out gyod; paglimpyo sa kagamhanan sa mga nalambigit sa ginadiling druga; ug pagseguro nga ang anti-illegal drug objectives sa kagamhanan makab-ot.

Ang chair sa ICAD mao ang Philippine Drug Enforcement Agency (PDEA). Lakip sa sakop sa ICAD mao ang Dangerous Drugs Board (DDB), Department of Interior and Local Government (DILG), Department of Justice (DOJ), Department of Health (DOH), Department of Education (DepEd), Department of Social Welfare and Development (DSWD), Department of Trade and Industry (DTI), Department of Agriculture (DA), Department of National Defense (DND), Technical Education and Skills Development Authority (TESDA), Philippine Information Agency (PIA), Public Attorney’s Office (PAO), Office of the Solicitor General (OSG), Philippine Coast Guard (PCG), Philippine National Police (PNP), National Bureau of Investigation (NBI), Bureau of Customs (BOC), Bureau of Immigration (BI), Armed Forces of the Philippines (AFP), ug Anti-Money Laundering Council (AMLC).

Sa pag-designate ni Pres. Duterte kang VP Leni isip co-chair sa ICAD, impliedly gi-amend ang EO 17, ug duha na ang chair niini – ang PDEA, pinaagi sa iyang Director General, ug si VP Leni.

Paglingkod ni VP Leni isip co-chair sa ICAD, daghan siyag mga suhestiyon nga hinaot unta matuman, lakip na niini ang paggamit og body camera sa mga pulis panahon sa anti-illegal drug operation, pag-tap sa mga eksperto gikan sa United Nations ug sa Estados Unidos, ug ang paghimo og klarong research kon unsa ba gyod kagrabe ang druga sa Pilipinas.

Hinaot nga ang pagkatudlo ni VP Leni sa ICAD makatabang gayod sa programa sa atong kagamhanan pagsanta sa kadaot sa ilegal nga druga.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.