Brigada Balaod

Katungod magnegosyo

Niadtong Biyernes, November 8, 2019, mipagawas og kamandoan ang Office of the City Mayor sa Carcar City, Cebu, nga nagkanayon: “Whereas, it must be stressed that the owners of these lechon stores’ right to engage in business is not constitutional but merely a privilege subject to regulation by the Local Government Unit of Carcar City.”

Ang maong kamandoan nagpasirado sa Mercy Roel, Honeylette Navaja, Arlene Manreal, ug Loreta Camanero nga mga lechonan sa Carcar City.

Kini naggumikan sa reklamo sa usa ka netizen niadtong nakalabayng mga adlaw.

Apan dili husto ang giingon sa Office of the Mayor nga dili constitutional right ang katungod magnegosyo sa maong mga negosyante. Matod sa Section 6, Article XII sa atong Konstitusyon, “The use of property bears a social function, and all economic agents shall contribute to the common good. Individuals and private groups, including corporations, cooperatives, and similar collective organizations, shall have the right to own, establish, and operate economic enterprises, subject to the duty of the State to promote distributive justice and to intervene when the common good so demands.”

Ang ikaduhang sentence sa maong artikulo maoy naghatag on Constitutionally-protected right ni bisan kinsa nga magnegosyo. Hinuon, husto nga duna poy gahom ang kagamhanan nga mo-regulate.

Ang negosyo usa usab ka porma sa kabtangan, ug busa, ang Section 1, Article III sa Constitution, nga nagkanayon, “No person shall be deprived of life, liberty, or property without due process of law, nor shall any person be denied the equal protection of the laws,” mo-apply usab. Sa ato pa, dili mahimong pasirad-an og largo sa mayor ang maong mang-lechonay, basta wala masunod ang due process of law.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.