Brigada Balaod

Kaso batok sa nanglili

Unsay tukmang kaso batok sa lalaki nga nanglili sa usa ka babaye nga naligo?

Kon ang pagpanglili lamang gayod ang gibuhat, ug walay laing nakasaksi, unjust vexation ra gyod ang ma-file batok sa nanglili. Ang unjust vexation gisilotan ubos sa Article 287 sa Revised Penal Code, nga nagkanayon, any other coercion of unjust vexation shall be punished by arresto menor or a fine ranging from P5 to P200 pesos, or both. (Ubos sa bag-ong balaod, P1,000 ngadto sa P40,000 na ang multa.)

Kon ang pagpanglili nakapaeskandalo sa kasilinganan, mahimong grave scandal ang ikiha. Ang grave scandal gisilotan ubos sa Article 200 sa Revised Penal Code. Ang mga elemento niini mao kining mosunod:  1) offender performs an act or acts; 2) such act or acts be highly scandalous as offending against decency or good customs; 3) the highly scandalous conduct is not expressly falling within any other article of this Code; and 4) the act or acts complained of be committed in a public place or within the public knowledge or view.

Hinuon, kinahanglan ma-satisfy ang publicity sa pagpanglili. Kon ang nakasaksi sa pagpanglili ang biktima lamang, wala kini masulod sa requirement sa publicity ug busa unjust vexation lang gyod.

Apan kon migamit og kamera ang nanglili (nag-video o nag-picture), mahimong mopasaka og kasong kalapasan sa Republic Act (RA) 9995, o ang Anti-Photo and Video Voyeurism Act of 2009. Ubos sa Section 5 sa maong balaod, 3 ngadto sa 7 ka tuig nga pagkabilanggo ug P100,000 ngadto sa P500,000 nga multa ang isilot sa nakalapas sa maong balaod. Ubos sa Section 4 sa maong balaod, gidili ang paghimo niini: to take photo or video coverage of a person or group of persons performing sexual act or any similar activity or to capture an image of the private area of a person/s such as the naked or undergarment-clad genitals, public area, buttocks or female breast without the consent of the person/s involved and under circumstances in which the person/s has/have a reasonable expectation of privacy. Ubos sa Section 3, ang tawo dunay reasonable expectation of privacy kon “he/she could disrobe in privacy, without being concerned that an image or a private area of the person was being captured; or circumstances in which a reasonable person would believe that a private area of the person would not be visible to the public, regardless of whether that person is in a public or private place.”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.