Brigada Balaod

Notice of Dishonor

Ang Batas Pambansa 22 (BP 22) mao ang atong balaod kabahin sa talbog nga tseke (bouncing check). Aron makombikto ang usa ka tawo sa BP 22, gikinahanglan nga maprobar beyond reasonable doubt kining mosunod nga mga elemento: 1) ang akusado miisyu og tseke para i-apply sa usa ka account or for value; 2) ang akusado nakahibalo pag-isyu niya sa tseke nga wala diay siyay kwarta sa bangko kon ipa-encash ang tseke; ug 3) ang tseke gi-dishonor sa bangko tungod kay walay pundo.

Tungod sa ikaduhang elemento, gikinahanglan nga dunay notice of dishonor, o pagpahibawo ngadto sa nag-isyu sa tseke nga walay pundo ang tseke.

Ang Section 2 sa maong balaod naghimo og prima facie presumption (sa ato pa, kon dili i-contest, tuohan nga mao niy tinuod): “The making, drawing and issuance of a check payment of which is refused by the drawee because of insufficient funds in or credit with such bank, when presented within ninety (90) days from the date of the check, shall be prima facie evidence of knowledge of such insufficiency of funds or credit unless such maker or drawer pays the holder thereof the amount due thereon, or makes arrangements for payment in full by the drawee of such check within (5) banking days after receiving notice that such check has not been paid by the drawee.” Sa ato pa, kon nakadawat og notice of dishonor ang nag-isyu sa tseke, apan wala siya mobayad sulod sa lima ka adlaw, mo-arise ang presumption.

Unsaon pagprobar nga nadawat ang notice of dishonor?

Ang labing epektibong paagi mao ang pagtestimonya sa korte sa tawo nga naghatod sa Notice of Dishonor ngadto sa nag-isyu sa tseke. Mas maayo nga nakakita gayod ang maong tawo sa nag-isyu sa tseke panahon sa pagdawat sa Notice of Dishonor, apan sa kaso nga Socorro F. Ongkingco and Marie Paz B. Ongkingco v. Kazuhiro Sugiyama and People of the Philippines, G.R. No. 217787, September 18, 2019, giila sa Supreme Court nga dunay proof beyond reasonable doubt sa pagdawat sa Notice of Dishonor bisan kon ang secretary ra ni Socorro F. Ongkiko ang miperma sa received copy. Hinuon wala usab gi-contest ni Socorro ang maong punto. Matod pa sa Supreme Court, gi-present unta kuno ni Socorro ang secretary niya para ma-refute ang claims sa secretary sa reklamante.

Ang laing paagi mao ang pagpa-certify sa postal service nga nadawat gyod nila ang gipadala nga Notice of Dishonor.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.